បេសកកម្មនេះត្រូវបានរៀបចំឡើងក្នុងគោលបំណងសិក្សាពីលទ្ធផល សមិទ្ធផល និងបញ្ហាប្រឈមនៃការអនុវត្តការងារគណនេយ្យភាពសង្គមជាក់ស្តែងរបស់រដ្ឋបាលឃុំកក់ ស្រុកបសេដ្ឋនៃរដ្ឋបាលខេត្តកំពង់ស្ពឺ ក្រោមអធិបតីភាព ឯកឧត្តម សុខ សុទ្ធី អភិបាលរង និងជាតំណាងដ៏ខ្ពង់ខ្ពស់របស់ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ។

បេសកកម្មនេះ មានការអញ្ជើញចូលរួមពីតំណាងលេខាធិការដ្ឋាន គ.ជ.អ.ប. ក្រសួងមហាផ្ទៃ ក្រសួងអប់រំ យុវជន និងកីឡា ក្រសួងសុខាភិបាល ធនាគារពិភពលោក អង្គការទស្សនៈពិភពលោកអន្តរជាតិ រដ្ឋបាលលខេត្ត មន្ទីរពាក់ព័ន្ធ រដ្ឋបាលស្រុក និងអ្នកពាក់ព័ន្ធ សរុបចំនួន៦៥រូប ស្រី១៨រូប។