ក្នុងពិធីបើកសិក្ខាសាលាអង្គពិធីមានកិត្តិយសដោយមានការចូលរួមពី លោក ខោល យុទ្ធលី អ្នក​សម្រប​សម្រួល​គម្រោង​ តំណាង​ដ៏ខ្ពង់ខ្ពស់​ឯកឧត្តម ចាន់ សុធា រដ្ឋ​លេខាធិការ​ក្រសួង​មហាផ្ទៃ​ និង​ជាប្រធាន​លេខាធិការ​ដ្ឋាន ​ គ.ជ.អ.ប. ឯកឧត្តម នី គឹមសាន អនុរដ្ឋ​លេខាធិការ​ក្រសួង​មហាផ្ទៃ​ និង​ជានាយក​គម្រោង​អាហារូបត្ថម្ភ​ នៅកម្ពុជា​ និង​លោក​ លោកស្រី​ដែល​បានអញ្ជើញ​មកពីខេត្ត គោលដៅទាំង៩ នៃគម្រោង រួមមាន៖ អភិបាលរង​ទទួល​បន្ទុក​គម្រោង​នៃខេត្តទាំង៩ អ្នកសម្របសម្រួលថ្នាក់ខេត្តទាំង៩ មន្ត្រីបង្គោលទទួលបន្ទុក ការងារសុវត្ថិភាពបរិស្ថាន និង​សង្គម​ថ្នាក់ខេត្តទាំង៩ មន្ត្រី​បង្គោលទទួល​បន្ទុកការងារ​សុវត្ថិភាព​បរិស្ថាន​ និងសង្គមថ្នាក់ក្រុង ស្រុកចំនួន១៨ មន្ត្រីទទួលប ន្ទុក​ការងារ​សុវត្ថិភាព​បរិស្ថាន​ និងសង្គមថ្នាក់ឃុំចំនួន១៨ឃុំ សង្កាត់ និងក្រុមទ្រទ្រង់សុខភាពភូមិ ជាជនជាតិ​ដើមភាគតិច​ មកពី​រដ្ឋបាល​ឃុំចំនួន៩ សរុបសិក្ខាកាមចូលរួមចំនួន៨៧នាក់ ក្នុងនោះមានស្ត្រី៥៤នាក់។

សិក្ខាសាលានេះរៀបចំឡើងរយៈពេល២ថ្ងៃ គិតចាប់ពីថ្ងៃទី២៤ ដល់ថ្ងៃទី២៥ ខែវិច្ឋិកា ឆ្នាំ២០២៥ ក្នុង​គោលបំណង់​ដើម្បី​ផ្តល់ឱកាស​ដល់អ្នក​អនុវត្ត​ការងារ​សុវត្ថិភាព បរិស្ថាន និងសង្គម និងអ្នកពាក់ព័ន្ធសំខាន់ៗ បានពិភាក្សា និង​ចែករំលែក​មេរៀនបទ​ពិសោធន៍​ក្នុងការ​អនុវត្ត​ការងារ​សុវត្ថិភាព បរិស្ថាន និងសង្គម ព្រមទាំង​ចងក្រង​មេរៀន​បទ​ពិសោធន៍​សម្រាប់​កែលម្អ​ការអនុវត្ត​ការងារ​សុវត្ថិភាព បរិស្ថាន និងសង្គម ឱ្យបាន​កាន់តែ​ល្អប្រសើរ​ឡើង​បន្ថែម​ទៀត។​