សារលិខិតរបស់សម្តេចនាយករដ្ឋមន្រ្តី

យុទ្ធសាស្ត្រ​​ចម្បង​ៗ​ចំនួន​ ៤ បាន​កំណត់​នៅ​ក្នុង​ផែនការ​យុទ្ធសាស្ត្រ​ស្ដី​ពី​ការ​បង្កើន​ចំនួន​ស្ត្រី​ក្នុង​មុខ​តំណែង​គ្រប់​គ្រង​នៅ​រដ្ឋ​បាល​ថ្នាក់​ក្រោម​ជាតិ ដែល​នឹង​ត្រូវ​អនុវត្ត​ចាប់​ពី​ឆ្នាំ​២០១៧​ត​ទៅ​​

 

ភ្នំពេញ ២០ កក្កដា ២០១៧៖  លេខាធិការដ្ឋានគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប) សហការជាមួយក្រសួងកិច្ចការនារី និងក្រសួងមហាផ្ទៃ រៀបចំសិក្ខាសាលាផ្សព្វផ្សាយផែនការយុទ្ធសាស្ត្រ ស្ដីពី “ការបង្កើនចំនួនស្ត្រីក្នុងមុខតំណែងគ្រប់គ្រងនៅរដ្ឋបាលថ្នាក់ក្រោមជាតិ” នៅសណ្ឋាគាររ៉េស៊ីដង់សុខាភ្នំពេញ នៅថ្ងៃទី២០ ខែកក្កដា ឆ្នាំ២០១៧ ក្រោមអធិបតីភាព ឯកឧត្ដម ង៉ាន់ ចំរើន អនុរដ្ឋលេខាធិការក្រសួងមហាផ្ទៃ និងជាអនុប្រធានប្រតិបត្តិនៃលេខាធិការដ្ឋានគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ និងមានការអញ្ជើញចូលរួមពីក្រុមប្រឹក្សា គណៈអភិបាល នាយករដ្ឋបាលរាជធានី ខេត្ត ក្រុង ស្រុក ខណ្ឌ និងលោក លោកស្រីតំណាងមកពីក្រសួងកិច្ចការនារី ក្រសួងមហាផ្ទៃ ក្រសួងមុខងារសាធារណៈ ដៃគូអភិវឌ្ឍន៍ និងអង្គការសង្គមស៊ីវិលសរុបជិត២០០នាក់។ 

 

សិក្ខាសាលានេះមានគោលបំណងផ្សព្វផ្សាយឱ្យបានទូលំទូលាយ ដល់ក្រុមគោលដៅជាក់លាក់ដូចជាក្រសួង ស្ថាប័ន រដ្ឋបាលថ្នាក់ក្រោមជាតិ ទទួលបានខ្លឹមសារទាក់ទងនឹងយុទ្ធសាស្ត្រ ដើម្បីអាចសម្របសម្រួល និងយកទៅអនុវត្តនៅតាមរដ្ឋបាលនីមួយៗនៅថ្នាក់ក្រោមជាតិ។  

 

នៅក្នុងសិក្ខាសាលានេះ ឯកឧត្ដម ង៉ាន់ ចំរើន អនុរដ្ឋលេខាធិការក្រសួងមហាផ្ទៃ និងជាអនុប្រធានប្រតិបត្តិ នៃលេខាធិការដ្ឋានគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិបានមានប្រសាសន៍ថា “ស្ត្រីដើរតួនាទីសំខាន់បំផុតក្នុងការចូលរួមអភិវឌ្ឍសេដ្ឋកិច្ច និងសង្គម ហើយស្ត្រីបានដើរតួនាទីយ៉ាងសំខាន់ក្នុងការចូលរួមដោះស្រាយបញ្ហានានា”។ 

 

ជាងនេះទៅទៀតឯកឧត្ដមបានបន្ថែមទៀតថា ”យើងបានខិតខំប្រឹងប្រែងច្រើនពាក់ព័ន្ធនឹងការងារយេនឌ័រ ប៉ុន្តែលទ្ធផលនៅមិនទាន់ទទួលបានដូចការរំពឹងទុកនៅឡើយ។ ដូចនេះការដោះស្រាយបញ្ហាយេនឌ័រឱ្យបានជោគជ័យ ត្រូវស្វែងយល់ពីអ្វីជាឫសគល់គន្លឹះនៃបញ្ហាជាមុនសិន ដែលឫសគល់នៃបញ្ហាមួយ គឺផ្ដើមចេញពីប្រព័ន្ធគ្រប់គ្រង ដែលភាគច្រើនជាបុរស ដោយឡែកចំនួនស្ត្រីនៅមានតិចនៅឡើយក្នុងប្រព័ន្ធគ្រប់គ្រងនាពេលបច្ចុប្បន្ន។ យុទ្ធសាស្ត្រនេះ នឹងចូលរួមដោះស្រាយនូវបញ្ហាគន្លឹះទាំងអស់នេះ។ 

 

គិតមកត្រឹមខែមិថុនា ឆ្នាំ២០១៦នេះ មានស្ត្រីចំនួនប្រហែល១២.១ភាគរយ កំពុងបម្រើការងារនៅក្នុងមុខតំណែងគ្រប់គ្រង (ចាប់ពីអភិបាលរហូតដល់នាយកទីចាត់ការ) រដ្ឋបាលរាជធានី ខេត្ត និងស្ត្រីចំនួនប្រហែល២១.៥ភាគរយប៉ុណ្ណោះ កំពុងបម្រើការងារនៅក្នុងមុខតំណែងគ្រប់គ្រង (ចាប់ពីអភិបាលរហូតដល់ប្រធានការិយាល័យ)  រដ្ឋបាលក្រុង ស្រុក ខណ្ឌ។ ទិន្នន័យនេះបានបង្ហាញថាចំនួនស្ត្រីក្នុងមុខតំណែងគ្រប់គ្រងនៅរដ្ឋបាលថ្នាក់ក្រោមជាតិមានចំនួនតិចតួចនៅឡើយ បើធៀបទៅនឹងចំនួនបុរស ដែលកំពុងបម្រើការងារនៅរដ្ឋបាលថ្នាក់ក្រោមជាតិ។ 

 

លោកជំទាវ នួន នារតី សមាជិកក្រុមប្រឹក្សាខេត្តកណ្ដាល បានលើកឡើងពីកត្តាមួយចំនួនដែលធ្វើឱ្យស្ត្រីមានចំនួនតិចតួចបម្រើការងារនៅរដ្ឋបាលថ្នាក់ក្រោមជាតិ គឺបណ្ដាលមកពីចំនួនបុរសដែលកំពុងកាន់មុខតំណែងមានច្រើន ការយល់ដឹងពីបញ្ហាយេនឌ័រនៅមានកម្រិត ហើយមិនទាន់មានការទទួលស្គាល់ច្រើនពីតួនាទីរបស់ស្ត្រីនៅឡើយ។ លើសពីនេះ បញ្ហាប្រពៃណី ផ្នត់គំនិតសង្គម គ្រួសារ និងកត្តាស្ត្រីខ្លួនឯងក៏ជាកត្តារារាំងដល់ការកាន់មុខតំណែងគ្រប់គ្រងនៅរដ្ឋបាលថ្នាក់ក្រោមជាតិផងដែរ។

 

ដើម្បីបង្កើនចំនួនស្ត្រីក្នុងមុខតំណែងគ្រប់គ្រង នៅរដ្ឋបាលថ្នាក់ក្រោមជាតិឱ្យបានកាន់តែច្រើន គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ បានដាក់ចេញនូវផែនការយុទ្ធសាស្ត្រចំនួន៤ គឺ៖ 

 

ផែនការយុទ្ធសាស្ត្រទី១៖ តាក់តែងលិខិតបទដ្ឋានគតិយុត្តិទាក់ទងនឹងការតែងតាំងស្ត្រីក្នុងមុខតំណែងគ្រប់គ្រង ដែលតម្រូវឱ្យរដ្ឋបាលថ្នាក់ក្រោមជាតិរៀបចំផែនការបង្កើនចំនួនស្ត្រី និងធ្វើការកំណត់ចំនួនអប្បបរមាបុគ្គលិកជាស្ត្រី។ 

ផែនការយុទ្ធសាស្ត្រទី២៖  បង្កលទ្ធភាពក្នុងការទទួលបានការតែងតាំង និងការអភិវឌ្ឍសមត្ថភាពរបស់ស្ត្រី តាមរយៈការរៀបចំ និងអនុវត្តនូវផែនការអ្នកបន្តវេនជាស្ត្រី និងអភិវឌ្ឍសមត្ថភាពស្ត្រីដើម្បីត្រៀមខ្លួនទទួលមុខតំណែង និងអនុវត្តការងារ។ 

ផែនការយុទ្ធសាស្ត្រទី៣៖  បង្កើតបរិយាកាសអំណោយផលនៅកន្លែងធ្វើការងារសម្រាប់ស្ត្រី តាមរយៈការបង្កើតទារកដ្ឋានដែលបង្កលក្ខណៈងាយស្រួល ដល់បុគ្គលិកពិសេសស្ត្រីអាចមកបម្រើការងារនៅពេលមានកូនតូច និងសម្រួលឱ្យមានភាពបត់បែនទាក់ទងនឹងម៉ោងពេលធ្វើការងាររបស់ស្ត្រី។

ផែនការយុទ្ធសាស្ត្រទី៤៖  ការបញ្ជ្រាបយេនឌ័រទៅក្នុងកំណែទម្រង់រយៈពេលវែង។ តាមរយៈការបញ្ជ្រាបយេនឌ័រទៅក្នុងនីតិវិធីជ្រើសរើសបុគ្គលិក និងការរៀបចំយុទ្ធសាស្ត្រ បង្កើនចំនួនមន្ត្រីជ្រើសរើសថ្មីជាស្ត្រីនៅរដ្ឋបាលថ្នាក់ក្រោមជាតិ។

 

ឯកឧត្ដម ង៉ាន់ ចំរើន មានប្រសាសន៍ថា “អ្នកដឹកនាំជាបុរសមានតួនាទីសំខាន់ណាស់ក្នុងការបញ្ជ្រាប និងផ្ដល់ឱកាសឱ្យស្ត្រីទទួលបានតួនាទី និងមុខតំណែងគ្រប់គ្រងនៅរដ្ឋបាលថ្នាក់ក្រោមជាតិ។ រីឯស្ត្រីត្រូវខិតខំប្រឹងប្រែង ដើម្បីប្រកួតប្រជែងជាមួយបុរស ទាំងសមត្ថភាព និងឱកាស។ ទន្ទឹមនឹងនេះ ឯកឧត្ដមក៏បានអំពាវនាវឱ្យមានការគាំទ្រ និងចូលរួមពីក្រសួង ស្ថាប័នពាក់ព័ន្ធ ដៃគូអភិវឌ្ឍន៍ និងអង្គការសង្គមស៊ីវិលផងដែរ។  

 

ផែនការយុទ្ធសាស្ត្រនេះ រៀបចំឡើងដើម្បីជំរុញការសម្រេចបាននូវចំណុចដៅបង្កើនចំនួនស្ត្រីដែលបានកំណត់ក្នុងផែនការយុទ្ធសាស្ត្រអភិវឌ្ឍន៍ជាតិ និងផែនការអនុវត្តរយៈពេល៣ឆ្នាំ (ផអ៣ ដំណាក់កាលទី២) នៅត្រឹមឆ្នាំ២០១៨ ស្ត្រីក្នុងមុខតំណែងគ្រប់គ្រងនៅរដ្ឋបាលរាជធានី ខេត្ត ត្រូវបង្កើនឱ្យបានរហូតដល់ ២០ភាគរយ និងស្ត្រីក្នុងមុខតំណែងគ្រប់គ្រងនៅរដ្ឋបាលក្រុង ស្រុក ខណ្ឌ ត្រូវបង្កើនឱ្យបានរហូតដល់២៥ភាគរយ ដែលការបង្កើននេះភាគច្រើនជាការជំនួសមុខតំណែងចូលនិវត្តន៍របស់បុរស៕ 

 

ប្រសាសន៍​​សម្តេចក្រឡាហោម ស ខេង

ស្វែងរក

​សម្លេង​

ប្រសាសន៍ ឯកឧត្តម ស ខេង ក្នុងកិច្ចប្រជុំលើកទី១០របស់ គ.ជ.អ.ប

ប្រសាសន៍ឯកឧត្តម សក់ សេដ្ឋា ក្នុងសិក្ខាសាលាបញ្ចប់គម្រោង PILAC2 (21-01-2015) 

ប្រសាសន៍ឯកឧត្តម សក់ សេដ្ឋា ក្នុង សិក្ខាសាលា ចែករំលែក បទពិសោធន៍ ការផ្ទេរមុខងារ ទៅកាន់ រដ្ឋបាល ថ្នាក់ក្រោមជាតិ

 

ឯកឧត្តម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធាន គ.ជ.អ.ប ថ្លែងបើកកិច្ចប្រជុំលើកទី៩ របស់ គ.ជ.អ.ប

ឯកឧត្តម ជាម ប៉េអា ប្រធាន អង្គភាព ត្រួតពិនិត្យ វាយតម្លៃ និងព័ត៌មាន នៃ លេខាធិការដ្ឋាន គ.ជ.អ.ប ថ្លែងក្នុង សិក្ខាសាលា ផ្សព្វផ្សាយ ឯកសារ ផែនការ យុទ្ធសាស្ត្រ គណនេយ្យ ភាពសង្គម (14-08-14)

ឯកឧត្តម ងី ច័ន្រ្ទផល រដ្ឋលេខាធិការ ក្រសួង មហាផ្ទៃ ថ្លែងក្នុង សិក្ខាសាលា ផ្សព្វផ្សាយ ឯកសារ យុទ្ធសាស្រ្ត គណនេយ្យ ភាពសង្គម (13-08-14)

ប្រសាសន៍ ឯកឧត្តម លេង វី ថ្លែងក្នុង វគ្គបណ្តុះ បណ្តាល គ្រូឧទ្ទេស រាជធានី ខេត្ត វគ្គ២ ស្តីពី ផែនការ អភិវឌ្ឍន៍ ប្រាំឆ្នាំ និងកម្មវិធី វិនិយោគ បីឆ្នាំ រំកិល រាជធានី ខេត្ត ថ្ងៃទី១៤ កក្កដា ២០១៤

មតិសំណេះសំណាលឯកឧត្ដម សក់ សេដ្ឋា ក្នុងសិក្ខាសាលា សេចក្តីព្រាង អនុក្រឹត្យ ការរៀបចំដីកា ការអនុវត្ត មុខងារជា ជម្រើស នៅថ្នាក់ ក្រោមជាតិ និងឯកសារ ផអ៣ ទី២

ប្រសាសន៍ ឯកឧត្តម លេង វី ថ្លែងក្នុងវគ្គបណ្តុះបណ្តាលគ្រូឧទ្ទេស រាជធានី ខេត្ត ស្តីពីផែនការអភិវឌ្ឍន៍ ប្រាំឆ្នាំ និងកម្មវិធីវិនិយោគបីឆ្នាំរំកិល រាជធានី ខេត្ត ថ្ងៃទី៧ កក្កដា ២០១៤

កម្មវិធីវិទ្យុៈ ចូលរួមដើម្បីការឆ្លើយតប៖ អង្គការសហគមន៍មូលដ្ឋាន

កម្មវិធីវិទ្យុៈ ចូលរួមដើម្បីការឆ្លើយតប៖ ការចួលរូមរបស់យុវជន

កម្មវិធីវិទ្យុៈ ចូលរួមដើម្បីការឆ្លើយតប៖ ម៉ោងជួបប្រជាពលរដ្ឋ

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី២វគ្គ២)

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី២វគ្គ១)

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី១)

សុន្ទរកថារបស់ឯកឧត្តម ស ខេង ក្នុងកម្មវិធីបិទសិក្ខាសាលាជាតិស្តីពីការ រៀបចំផែនការសកម្មភាព និងថវិកា២០១៤

សុន្ទរកថារបស់ឯកឧត្តម សក់ សេដ្ឋា ក្នុងកម្មវិធីបិទសិក្ខាសាលាជាតិស្តីពីការ រៀបចំផែនការសកម្មភាព និងថវិកា២០១៤

វេទិកាពិភាក្សា ជីវិតយើង សង្គមយើង

វេទិកាពិភាក្សា នៅក្រុងបាត់ដំបង និងពោធិសាត់

ការអភិវឌ្ឍតាមបែបប្រជាធិបតេយ្យ នៅកម្ពុជា

ការប្តឹងតវ៉ារបស់ប្រជាពលរដ្ឋ

កិច្ចពិគ្រោះយោបល់នៅថ្នាក់មូល ដ្ឋានរបស់ក្រុមប្រឹក្សាឃុំ សង្កាត់

ដំណើរការសម្រេចចិត្តរបស់ ក្រុមប្រឹក្សា  

 

ការពិគ្រោះយោបល់នៅថ្នាក់ មូលដ្ឋានរបស់ក្រុមប្រឹក្សាស្រុក ក្រុង 

ការផ្សព្វផ្សាយនិងទទួលព័ត៌មាន ពីក្រុមប្រឹក្សា

ប្រជាពលរដ្ឋសកម្ម

លើកកម្ពស់ការចូលរួមរបស់ប្រជាពលរដ្ឋដើម្បីឲ្យមានការឆ្លើយតប

ការចូលរួមរបស់ប្រជាពលរដ្ឋក្នុង កិច្ចប្រជុំប្រចាំខែរបស់ក្រុមប្រឹក្សា ស្រុក ក្រុង

ការចូលរួមនិងទទួលយោបល់របស់យុវវ័យ
និងកុមារក្នុងការសម្រេចចិត្តរបស់ក្រុមប្រឹក្សា

ការចាត់អាទិភាពបញ្ហាក្នុងកម្មវិធីវិនិយោគស្រុក ក្រុង     

ដើម្បីសហគមន៍ក្រុមប្រឹក្សា រដ្ឋបាលថ្នាក់ក្រោមជាតិ

សារប្រយោជន៍នៃការចុះបញ្ជីកំណើត

សារប្រយោជន៍នៃការចុះបញ្ជី
អាពាហ៍ពិពាហ៍

សារប្រយោជន៍នៃការចុះបញ្ជីមរណភាព

បណ្ណាល័យ គ.ជ.អ.ប (NCDD Library)