សារលិខិតរបស់សម្តេចនាយករដ្ឋមន្រ្តី

វេទិកា​​ចែក​​រំលែក​​មេរៀន​​បទ​ពិសោធន៍​​លើក​ទី​១ ស្ដី​ពី​​ការ​អនុវត្ត​​ផែនការ​​យុទ្ធសាស្ត្រ​គណនេយ្យ​ភាព​​សង្គម​

ភ្នំពេញ ១៦ មីនា ២០១៧៖ ដោយមានកិច្ចសហការជាមួយ គណៈកម្មាធិការគ្រប់គ្រងការអនុវត្តផែនការយុទ្ធសាស្ត្រគណនេយ្យភាពសង្គម អង្គការមូលនិធិអាស៊ីប្រចាំកម្ពុជាបានរៀបចំវេទិកាចែករំលែកមេរៀនបទពិសោធន៍លើកទី១ ស្ដីពីការអនុវត្តផែនការយុទ្ធសាស្រ្តគណនេយ្យភាពសង្គម កាលពីថ្ងៃទី ១៦ ខែមីនា ឆ្នាំ២០១៧ នៅសណ្ឋាគារ ហ៊ីម៉ាវ៉ារី ភ្នំពេញ ក្រោមជំនួយឧបត្ថម្ភពី ធនាគារអភិវឌ្ឍន៍អាស៊ី (ADB) ដោយមានអ្នកចូលរួមប្រមាណជា ៥០នាក់ រួមមាន៖អង្គភាពផ្ដល់សេវាចំនួន៦ខេត្ត និងអង្គការសង្គមស៊ីវិលពាក់ព័ន្ធទាំងអស់។

 

គោលបំណងនៃការរៀបចំវេទិកានេះ ដើម្បីចែករំលែកបទពិសោធន៍ ការអនុវត្តផែនការយុទ្ធសាស្រ្តគណនេយ្យភាពសង្គមកន្លងមក និងប្រមូលធាតុចូលពីភាគីពាក់ព័ន្ធដើម្បីបន្តធ្វើការសិក្សាស្រាវជ្រាវទៅបណ្ដាខេត្តដទៃៗទៀត។

បើតាមសុន្ទរកថាបើករបស់ លោក សឿង សារឿន នាយកប្រតិបត្តិគណៈកម្មាធិការសហប្រតិបត្តិការដើម្បីកម្ពុជា និងជាអនុប្រធាននៃគណៈកម្មាធិការគ្រប់គ្រងការអនុវត្តផែនការយុទ្ធសាស្ត្រគណនេយ្យភាពសង្គម មានប្រសាសន៍ថា នៅក្នុងការអនុវត្តការងារណាក៏ដោយ យើងតែងតែជួបប្រទះនូវបញ្ហាប្រឈម នៅក្នុងការអនុវត្តការងាររបស់យើង។ ការអនុវត្តផែនការអនុវត្តគណនេយ្យភាពសង្គមរយៈពេល៣ឆ្នាំនេះ ក៏ដូចគ្នាដែរ គឺជួបប្រទះនូវបញ្ហាប្រឈមមួយចំនួន ដែលយើងត្រូវធ្វើការរៀនសូត្រ ដើម្បីកែលម្អ និងដើម្បីធ្វើឲ្យការផ្ដល់សេវាដល់ប្រជាពលរដ្ឋ នៅថ្នាក់មូលដ្ឋានបានកាន់តែប្រសើរឡើង។

ក្នុងអំឡុងពេលវេទិកា ក្រុមអ្នកស្រាវជ្រាវរបស់អង្គការមូលនិធិអាស៊ីក្រោមជំនួយឧបត្ថម្ភរបស់ ADB បានចែករំលែកអំពីលទ្ធផលចេញពីការសិក្សាស្រាវជ្រាវ ពិនិត្យមើលមេរៀន និងបញ្ហាប្រឈម នៅក្នុងការអនុវត្តផែនការគណនេយ្យភាពសង្គមកន្លងមក។ រីឯអ្នកចូលរួមដែលជាភាគីពាក់ព័ន្ធនៃការអនុវត្តផែនការយុទ្ធសាស្ត្រគណនេយ្យភាពសង្គមទាំងអស់ ក៏បានពិភាក្សា និងផ្ទៀងផ្ទាត់លទ្ធផលនៃការស្រាវជ្រាវខាងលើផងដែរ។ ម៉្យាងទៀតក្រុមអ្នកស្រាវជ្រាវក៏បានផ្ដល់ជាអនុសាសន៍ខ្លះៗដើម្បីកែលម្អការអនុវត្តផែនការនេះដែរ។

 

ក្រោមអធិបតីភាពបិទវេទិកាដោយ ឯកឧត្ដម ងី ច័ន្ទ្រផល រដ្ឋលេខាធិការក្រសួងមហាផ្ទៃ និងជាប្រធាននៃគណៈកម្មាធិការគ្រប់គ្រងការអនុវត្តផែនការយុទ្ធសាស្ត្រគណនេយ្យភាពសង្គម ឯកឧត្ដមមានប្រសាសន៍ថា បន្ទាប់ពីបានអនុម័តឯកសារផែនការយុទ្ធសាស្ត្រ និងផែនការអនុវត្តគណនេយ្យភាពសង្គមរយៈពេល៣ឆ្នាំ (ឆ្នាំ២០១៦ ដល់ឆ្នាំ២០១៨) រួចមក គ.ជ.អ.ប បានបន្តធ្វើការយ៉ាងជិតស្និទ្ធជាមួយរដ្ឋបាលថ្នាក់ក្រោមជាតិ ដៃគូអភិវឌ្ឍន៍ និងអង្គការសង្គមស៊ីវិលនៅថ្នាក់ក្រោមជាតិ ដើម្បីរួមចំណែកដល់ការពង្រឹងអភិបាលកិច្ចតាមបែបប្រជាធិបតេយ្យថ្នាក់ក្រោមជាតិ។ 

 

ជាចុងបញ្ចប់ ឯកឧត្ដម ងី ច័ន្ទ្រផល បានថ្លែងអំណរគុណដល់ក្រុមអ្នកស្រាវជ្រាវរបស់អង្គការមូលនិធិអាស៊ី និង ADB ដែលបានធ្វើការសិក្សាស្រាវជ្រាវ និងរៀបចំវេទិកានេះឡើង រួមទាំងថ្លែងអំណរគុណដល់ដៃគូអភិវឌ្ឍ ក៏ដូចជាអង្គការសង្គមស៊ីវិលនានា ដែលបានសហការ និងផ្ដល់ការគាំទ្រកន្លងមក។

 

គួរបញ្ជាក់ថា លទ្ធផលស្រាវជ្រាវលើកទី១នេះ បានចុះទៅខេត្តគោលដៅចំនួន ៥ខេត្ត  ទន្ទឹមនឹងនេះក្រុមអ្នកស្រាវជ្រាវរបស់អង្គការមូលនិធិអាស៊ីនឹងបន្តចុះសិក្សាស្រាវជ្រាវទៅខេត្តដែលអនុវត្តផែនការគណនេយ្យភាពសង្គមផ្សេងៗទៀតផងដែរ៕

 

ប្រសាសន៍​​សម្តេចក្រឡាហោម ស ខេង

ស្វែងរក

​សម្លេង​

ប្រសាសន៍ ឯកឧត្តម ស ខេង ក្នុងកិច្ចប្រជុំលើកទី១០របស់ គ.ជ.អ.ប

ប្រសាសន៍ឯកឧត្តម សក់ សេដ្ឋា ក្នុងសិក្ខាសាលាបញ្ចប់គម្រោង PILAC2 (21-01-2015) 

ប្រសាសន៍ឯកឧត្តម សក់ សេដ្ឋា ក្នុង សិក្ខាសាលា ចែករំលែក បទពិសោធន៍ ការផ្ទេរមុខងារ ទៅកាន់ រដ្ឋបាល ថ្នាក់ក្រោមជាតិ

 

ឯកឧត្តម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធាន គ.ជ.អ.ប ថ្លែងបើកកិច្ចប្រជុំលើកទី៩ របស់ គ.ជ.អ.ប

ឯកឧត្តម ជាម ប៉េអា ប្រធាន អង្គភាព ត្រួតពិនិត្យ វាយតម្លៃ និងព័ត៌មាន នៃ លេខាធិការដ្ឋាន គ.ជ.អ.ប ថ្លែងក្នុង សិក្ខាសាលា ផ្សព្វផ្សាយ ឯកសារ ផែនការ យុទ្ធសាស្ត្រ គណនេយ្យ ភាពសង្គម (14-08-14)

ឯកឧត្តម ងី ច័ន្រ្ទផល រដ្ឋលេខាធិការ ក្រសួង មហាផ្ទៃ ថ្លែងក្នុង សិក្ខាសាលា ផ្សព្វផ្សាយ ឯកសារ យុទ្ធសាស្រ្ត គណនេយ្យ ភាពសង្គម (13-08-14)

ប្រសាសន៍ ឯកឧត្តម លេង វី ថ្លែងក្នុង វគ្គបណ្តុះ បណ្តាល គ្រូឧទ្ទេស រាជធានី ខេត្ត វគ្គ២ ស្តីពី ផែនការ អភិវឌ្ឍន៍ ប្រាំឆ្នាំ និងកម្មវិធី វិនិយោគ បីឆ្នាំ រំកិល រាជធានី ខេត្ត ថ្ងៃទី១៤ កក្កដា ២០១៤

មតិសំណេះសំណាលឯកឧត្ដម សក់ សេដ្ឋា ក្នុងសិក្ខាសាលា សេចក្តីព្រាង អនុក្រឹត្យ ការរៀបចំដីកា ការអនុវត្ត មុខងារជា ជម្រើស នៅថ្នាក់ ក្រោមជាតិ និងឯកសារ ផអ៣ ទី២

ប្រសាសន៍ ឯកឧត្តម លេង វី ថ្លែងក្នុងវគ្គបណ្តុះបណ្តាលគ្រូឧទ្ទេស រាជធានី ខេត្ត ស្តីពីផែនការអភិវឌ្ឍន៍ ប្រាំឆ្នាំ និងកម្មវិធីវិនិយោគបីឆ្នាំរំកិល រាជធានី ខេត្ត ថ្ងៃទី៧ កក្កដា ២០១៤

កម្មវិធីវិទ្យុៈ ចូលរួមដើម្បីការឆ្លើយតប៖ អង្គការសហគមន៍មូលដ្ឋាន

កម្មវិធីវិទ្យុៈ ចូលរួមដើម្បីការឆ្លើយតប៖ ការចួលរូមរបស់យុវជន

កម្មវិធីវិទ្យុៈ ចូលរួមដើម្បីការឆ្លើយតប៖ ម៉ោងជួបប្រជាពលរដ្ឋ

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី២វគ្គ២)

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី២វគ្គ១)

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី១)

សុន្ទរកថារបស់ឯកឧត្តម ស ខេង ក្នុងកម្មវិធីបិទសិក្ខាសាលាជាតិស្តីពីការ រៀបចំផែនការសកម្មភាព និងថវិកា២០១៤

សុន្ទរកថារបស់ឯកឧត្តម សក់ សេដ្ឋា ក្នុងកម្មវិធីបិទសិក្ខាសាលាជាតិស្តីពីការ រៀបចំផែនការសកម្មភាព និងថវិកា២០១៤

វេទិកាពិភាក្សា ជីវិតយើង សង្គមយើង

វេទិកាពិភាក្សា នៅក្រុងបាត់ដំបង និងពោធិសាត់

ការអភិវឌ្ឍតាមបែបប្រជាធិបតេយ្យ នៅកម្ពុជា

ការប្តឹងតវ៉ារបស់ប្រជាពលរដ្ឋ

កិច្ចពិគ្រោះយោបល់នៅថ្នាក់មូល ដ្ឋានរបស់ក្រុមប្រឹក្សាឃុំ សង្កាត់

ដំណើរការសម្រេចចិត្តរបស់ ក្រុមប្រឹក្សា  

 

ការពិគ្រោះយោបល់នៅថ្នាក់ មូលដ្ឋានរបស់ក្រុមប្រឹក្សាស្រុក ក្រុង 

ការផ្សព្វផ្សាយនិងទទួលព័ត៌មាន ពីក្រុមប្រឹក្សា

ប្រជាពលរដ្ឋសកម្ម

លើកកម្ពស់ការចូលរួមរបស់ប្រជាពលរដ្ឋដើម្បីឲ្យមានការឆ្លើយតប

ការចូលរួមរបស់ប្រជាពលរដ្ឋក្នុង កិច្ចប្រជុំប្រចាំខែរបស់ក្រុមប្រឹក្សា ស្រុក ក្រុង

ការចូលរួមនិងទទួលយោបល់របស់យុវវ័យ
និងកុមារក្នុងការសម្រេចចិត្តរបស់ក្រុមប្រឹក្សា

ការចាត់អាទិភាពបញ្ហាក្នុងកម្មវិធីវិនិយោគស្រុក ក្រុង     

ដើម្បីសហគមន៍ក្រុមប្រឹក្សា រដ្ឋបាលថ្នាក់ក្រោមជាតិ

សារប្រយោជន៍នៃការចុះបញ្ជីកំណើត

សារប្រយោជន៍នៃការចុះបញ្ជី
អាពាហ៍ពិពាហ៍

សារប្រយោជន៍នៃការចុះបញ្ជីមរណភាព

បណ្ណាល័យ គ.ជ.អ.ប (NCDD Library)