សារលិខិតរបស់សម្តេចនាយករដ្ឋមន្រ្តី

គណនេយ្យភាពសង្គម ចូលរួមចំណែកដល់ការពង្រឹងអភិបាលកិច្ចតាមបែបប្រជាធិបតេយ្យនៅថ្នាក់មូលដ្ឋាន

ព្រះសីហនុ ១៤ ធ្នូ ២០១៦៖ «គណនេយ្យភាពសង្គម គឺជាផ្នែកមួយនៃការពង្រឹងហេដ្ឋារចនាសម្ព័ន្ធប្រជាធិបតេយ្យនៅកម្ពុជា និងជាឧបករណ៍ដ៏មានសារៈសំខាន់ក្នុងការចូលរួមចំណែកដល់ការពង្រឹងអភិបាលកិច្ចតាមបែបប្រជាធិបតេយ្យនៅថ្នាក់មូលដ្ឋាន»។

 

នេះជាប្រសាសន៍របស់ឯកឧត្ដម ងី ច័ន្រ្ទផល រដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការគ្រប់គ្រងការអនុវត្តផែនការយុទ្ធសាស្ត្រគណនេយ្យភាពសង្គមក្នុងវគ្គបណ្ដុះបណ្ដាលគ្រូបង្គោលស្ដីពីការអនុវត្តផែនការ យុទ្ធសាស្ត្រគណនេយ្យភាពសង្គម កាលពីថ្ងៃទី១៤ ខែធ្នូ ឆ្នាំ២០១៦ នៅខេត្តព្រះសីហនុ។

 

ឯកឧត្ដម ងី ច័ន្រ្ទផល មានប្រសាសន៍បន្តទៀតថា ការអនុវត្តការងារគណនេយ្យភាពសង្គមបានធ្វើឱ្យប្រជាពលរដ្ឋទទួលបានព័ត៌មានកាន់តែប្រសើរ មានការបញ្ចេញមតិយោបល់ និងបានផ្សារភ្ជាប់ទំនាក់ទំនងល្អរវាងប្រជាពលរដ្ឋ និងភ្នាក់ងារផ្ដល់សេវាក្នុងដំណើរការពិភាក្សាកែលំអការផ្ដល់សេវានៅរដ្ឋបាលឃុំ សាលាបឋមសិក្សា និងមណ្ឌលសុខភាពបានប្រសើរឡើង។

 

ឯកឧត្ដម ងី ច័ន្រ្ទផល បានបន្តទៀតថា ក្នុងក្របខ័ណ្ឌនៃការកែលំអ និងផ្លាស់ប្ដូរឥរិយាបថនៃភាពជាតំណាង ទើប គ.ជ.អ.ប បានរៀបចំនិងអនុម័តផែនការ យុទ្ធសាស្ត្រគណនេយ្យភាពសង្គម នៅថ្ងៃទី១១ ខែកក្កដា ឆ្នាំ២០១៣ និងបានអនុម័តឱ្យប្រើប្រាស់ផែនការអនុវត្តគណនេយ្យភាពសង្គមរយៈពេល៣ឆ្នាំ ២០១៦-២០១៨ ដើម្បីប្រែក្លាយយុទ្ធសាស្ត្រឱ្យទៅជាសកម្មភាពជាក់ស្ដែង ហើយបានអនុវត្តសាកល្បងនៅក្នុងស្រុកចំនួន២២ ក្នុងឆ្នាំ២០១៤-២០១៥  ជាមួយអង្គការសង្គមស៊ីវិលជាដៃគូចំនួន៦។

 

ដើម្បីជំរុញឱ្យការអនុវត្តផែនការអនុវត្តគណនេយ្យភាពសង្គមមានប្រសិទ្ធភាព ឯកឧត្ដម ងី ច័ន្រ្ទផល បានជំរុញឱ្យអ្នកអនុវត្តទាំងអស់ទាំងផ្នែកផ្គត់ផ្គង់ និងផ្នែកតម្រូវការត្រូវយកចិត្តទុកដាក់លើចំណុចមួយចំនួនដូចជា៖ ១. ជំរុញភាពជាដៃគូ ២.  ការអនុវត្តការបិទផ្សាយព័ត៌មាន ៣. ជំរុញការអនុវត្តប័ណ្ណដាក់ពិន្ទុអនុវត្តស្របតាមនិតិវិធី និងទាន់ពេលវេលា ៤. ការសហការគាំទ្រពីមន្ទីរជំនាញ ៥. និង ការត្រួតពិនិត្យតាមដាន។

 

ក្នុងឱកាសនោះដែរ ឯកឧត្ដមរដ្ឋលេខាធិការបានរំលឹកពីអនុសាសន៍ដ៏ខ្ពង់ខ្ពស់របស់សម្តេចតេជោនាយករដ្ឋមន្ត្រី ប្រមុខនៃរាជរដ្ឋាភិបាលកម្ពុជា ដែលតែងតែលើកឡើងក្នុងកិច្ចប្រជុំ  និងសិក្ខាសាលាជាច្រើនកន្លងមកថា «ក្នុងនាមជាមន្ត្រីរាជការ និងអ្នកផ្តល់សេវាដល់ប្រជាពលរដ្ឋត្រូវប្រកាន់នូវអាកប្បកិរិយា និងគោលការណ៍ថាខ្លួនគឺជាអ្នកបម្រើរាស្ត្រ មិនមែនចៅហ្វាយរាស្ត្រនោះទេ»។

 

គួរបញ្ជាក់ថា លេខាធិការដ្ឋាន គ.ជ.អ.ប បានរៀបចំវគ្គបណ្ដុះបណ្ដាលគ្រូបង្គោលស្ដីពីការអនុវត្តផែនការយុទ្ធសាស្ត្រគណនេយ្យភាពសង្គម ដល់គ្រូបង្គោលថ្នាក់ខេត្តរយៈពេល៣ថ្ងៃចាប់ពីថ្ងៃទី១៤-១៦ ខែធ្នូ ឆ្នាំ២០១៦ នៅខេត្តព្រះសីហនុ ក្នុងគោលបំណងដើម្បីបង្កើនសមត្ថភាព ចំណេះដឹង និងជំនាញដល់សិក្ខាកាមដែលជាគ្រូបង្គោលស្ដីពីការអនុវត្តផែនការយុទ្ធសាស្ត្រ និងផែនការអនុវត្តគណនេយ្យភាពសង្គមដែលនឹងមានតួនាទីធ្វើការបណ្ដុះបណ្ដាលបន្តដល់អ្នកពាក់ព័ន្ធ នៅថ្នាក់ខេត្ត ស្រុក និងឃុំគោលដៅ។

 

ក្នុងការអនុវត្តការងារគណនេយ្យភាពសង្គមកន្លងមក លេខាធិការដ្ឋាន គ.ជ.អ.ប បានរៀបចំជាផ្ទាំងរូបភាពព័ត៌មានស្ដីពីការផ្តល់សេវារបស់សាលាឃុំ សាលាបឋមសិក្សា និងមណ្ឌលសុខភាព ដែលមានបញ្ចូលព័ត៌មានអំពីស្តង់ដារសេវាកម្ម ព័ត៌មានអំពីសិទ្ធិប្រជាពលរដ្ឋ និងព័ត៌មានអំពីថវិកា និងការប្រើប្រាស់ថវិកា ដើម្បីយកទៅផ្សព្វផ្សាយជាសាធារណៈនៅគ្រប់ឃុំ  ក្នុងស្រុកចំនួន២២នៃខេត្ត ចំនួន១២ ដែលគ្របដណ្តប់ប្រជាពលរដ្ឋសរុបប្រមាណ១,៥លាននាក់។ ចំណែកអង្គការដៃគូ បានអនុវត្តដំណើរការត្រួតពិនិត្យវាយតម្លៃ ដោយប្រជាពលរដ្ឋ ដោយរៀបចំប័ណ្ណដាក់ពិន្ទុ ទៅលើសេវាកម្មរបស់សាលាឃុំ សាលាបឋមសិក្សា និងមណ្ឌលសុខភាព ដែលមានការចូលរួមពីប្រជាពលរដ្ឋ និងអ្នកផ្តល់សេវានៅមូលដ្ឋានផងដែរ។ បានបង្កើតផែនការសកម្មភាពគណនេយ្យភាពរួម សម្រាប់កែលំអសេវាកម្មទាំងនោះ និងគណៈកម្មការ ដើម្បីត្រួតពិនិត្យការអនុវត្តផែនការសកម្មភាពគណនេយ្យភាពរួមផងដែរ។

 

សម្រាប់ឆ្នាំ២០១៧ខាងមុខ ការអនុវត្តការងារគណនេយ្យភាពសង្គម នឹងត្រូវអនុវត្តលើស្រុកគោលដៅចំនួន៩៨ នៃខេត្តចំនួន១៨ រួមមាន៖ ខេត្តបន្ទាយមានជ័យ សៀមរាប បាត់ដំបង ពោធិ៍សាត់ កំពង់ធំ ត្បូងឃ្មុំ ព្រៃវែង រតនគិរី មណ្ឌលគិរី កោះកុង កំពត ប៉ៃលិន ស្វាយរៀង ក្រចេះ កំពង់ស្ពឺ ស្ទឹងត្រែង ព្រះវិហារ និងខេត្តកំពង់ឆ្នាំង៕៕ NCDDs

ប្រសាសន៍​​សម្តេចក្រឡាហោម ស ខេង

ស្វែងរក

​សម្លេង​

ប្រសាសន៍ ឯកឧត្តម ស ខេង ក្នុងកិច្ចប្រជុំលើកទី១០របស់ គ.ជ.អ.ប

ប្រសាសន៍ឯកឧត្តម សក់ សេដ្ឋា ក្នុងសិក្ខាសាលាបញ្ចប់គម្រោង PILAC2 (21-01-2015) 

ប្រសាសន៍ឯកឧត្តម សក់ សេដ្ឋា ក្នុង សិក្ខាសាលា ចែករំលែក បទពិសោធន៍ ការផ្ទេរមុខងារ ទៅកាន់ រដ្ឋបាល ថ្នាក់ក្រោមជាតិ

 

ឯកឧត្តម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធាន គ.ជ.អ.ប ថ្លែងបើកកិច្ចប្រជុំលើកទី៩ របស់ គ.ជ.អ.ប

ឯកឧត្តម ជាម ប៉េអា ប្រធាន អង្គភាព ត្រួតពិនិត្យ វាយតម្លៃ និងព័ត៌មាន នៃ លេខាធិការដ្ឋាន គ.ជ.អ.ប ថ្លែងក្នុង សិក្ខាសាលា ផ្សព្វផ្សាយ ឯកសារ ផែនការ យុទ្ធសាស្ត្រ គណនេយ្យ ភាពសង្គម (14-08-14)

ឯកឧត្តម ងី ច័ន្រ្ទផល រដ្ឋលេខាធិការ ក្រសួង មហាផ្ទៃ ថ្លែងក្នុង សិក្ខាសាលា ផ្សព្វផ្សាយ ឯកសារ យុទ្ធសាស្រ្ត គណនេយ្យ ភាពសង្គម (13-08-14)

ប្រសាសន៍ ឯកឧត្តម លេង វី ថ្លែងក្នុង វគ្គបណ្តុះ បណ្តាល គ្រូឧទ្ទេស រាជធានី ខេត្ត វគ្គ២ ស្តីពី ផែនការ អភិវឌ្ឍន៍ ប្រាំឆ្នាំ និងកម្មវិធី វិនិយោគ បីឆ្នាំ រំកិល រាជធានី ខេត្ត ថ្ងៃទី១៤ កក្កដា ២០១៤

មតិសំណេះសំណាលឯកឧត្ដម សក់ សេដ្ឋា ក្នុងសិក្ខាសាលា សេចក្តីព្រាង អនុក្រឹត្យ ការរៀបចំដីកា ការអនុវត្ត មុខងារជា ជម្រើស នៅថ្នាក់ ក្រោមជាតិ និងឯកសារ ផអ៣ ទី២

ប្រសាសន៍ ឯកឧត្តម លេង វី ថ្លែងក្នុងវគ្គបណ្តុះបណ្តាលគ្រូឧទ្ទេស រាជធានី ខេត្ត ស្តីពីផែនការអភិវឌ្ឍន៍ ប្រាំឆ្នាំ និងកម្មវិធីវិនិយោគបីឆ្នាំរំកិល រាជធានី ខេត្ត ថ្ងៃទី៧ កក្កដា ២០១៤

កម្មវិធីវិទ្យុៈ ចូលរួមដើម្បីការឆ្លើយតប៖ អង្គការសហគមន៍មូលដ្ឋាន

កម្មវិធីវិទ្យុៈ ចូលរួមដើម្បីការឆ្លើយតប៖ ការចួលរូមរបស់យុវជន

កម្មវិធីវិទ្យុៈ ចូលរួមដើម្បីការឆ្លើយតប៖ ម៉ោងជួបប្រជាពលរដ្ឋ

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី២វគ្គ២)

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី២វគ្គ១)

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី១)

សុន្ទរកថារបស់ឯកឧត្តម ស ខេង ក្នុងកម្មវិធីបិទសិក្ខាសាលាជាតិស្តីពីការ រៀបចំផែនការសកម្មភាព និងថវិកា២០១៤

សុន្ទរកថារបស់ឯកឧត្តម សក់ សេដ្ឋា ក្នុងកម្មវិធីបិទសិក្ខាសាលាជាតិស្តីពីការ រៀបចំផែនការសកម្មភាព និងថវិកា២០១៤

វេទិកាពិភាក្សា ជីវិតយើង សង្គមយើង

វេទិកាពិភាក្សា នៅក្រុងបាត់ដំបង និងពោធិសាត់

ការអភិវឌ្ឍតាមបែបប្រជាធិបតេយ្យ នៅកម្ពុជា

ការប្តឹងតវ៉ារបស់ប្រជាពលរដ្ឋ

កិច្ចពិគ្រោះយោបល់នៅថ្នាក់មូល ដ្ឋានរបស់ក្រុមប្រឹក្សាឃុំ សង្កាត់

ដំណើរការសម្រេចចិត្តរបស់ ក្រុមប្រឹក្សា  

 

ការពិគ្រោះយោបល់នៅថ្នាក់ មូលដ្ឋានរបស់ក្រុមប្រឹក្សាស្រុក ក្រុង 

ការផ្សព្វផ្សាយនិងទទួលព័ត៌មាន ពីក្រុមប្រឹក្សា

ប្រជាពលរដ្ឋសកម្ម

លើកកម្ពស់ការចូលរួមរបស់ប្រជាពលរដ្ឋដើម្បីឲ្យមានការឆ្លើយតប

ការចូលរួមរបស់ប្រជាពលរដ្ឋក្នុង កិច្ចប្រជុំប្រចាំខែរបស់ក្រុមប្រឹក្សា ស្រុក ក្រុង

ការចូលរួមនិងទទួលយោបល់របស់យុវវ័យ
និងកុមារក្នុងការសម្រេចចិត្តរបស់ក្រុមប្រឹក្សា

ការចាត់អាទិភាពបញ្ហាក្នុងកម្មវិធីវិនិយោគស្រុក ក្រុង     

ដើម្បីសហគមន៍ក្រុមប្រឹក្សា រដ្ឋបាលថ្នាក់ក្រោមជាតិ

សារប្រយោជន៍នៃការចុះបញ្ជីកំណើត

សារប្រយោជន៍នៃការចុះបញ្ជី
អាពាហ៍ពិពាហ៍

សារប្រយោជន៍នៃការចុះបញ្ជីមរណភាព

បណ្ណាល័យ គ.ជ.អ.ប (NCDD Library)