សារលិខិតរបស់សម្តេចនាយករដ្ឋមន្រ្តី

ក្រសួង​សាធារណការ​សាកល្បង​ដាក់​បញ្ចូល​ការ​ប្រែប្រួល​អាកាសធាតុ ទៅ​ក្នុង​ផែនការ​និង​ថវិកា​របស់​ខ្លួន​សម្រាប់​ឆ្នាំ​២០១៧

ភ្នំពេញ ១៧ មិថុនា ២០១៦៖ ក្រសួងសាធារណការ និងដឹកជញ្ជូនកាលពីថ្ងៃទី១៦ ខែមិថុនា ឆ្នាំ២០១៦ បានឯកភាពសាកល្បងដាក់បញ្ចូលការប្រែប្រួលអាកាសធាតុទៅក្នុងផែនការ និងថវិការបស់ខ្លួនសម្រាប់ឆ្នាំ២០១៧ ដើម្បីធ្វើឱ្យគម្រោងហេដ្ឋារចនាសម្ព័ន្ធផ្លូវថ្នល់ទាំងថ្នាក់ជាតិ និងថ្នាក់ក្រោមជាតិមានភាពធន់នឹងអាកាសធាតុ។

 

ការឯកភាពនេះបានធ្វើឡើងនៅក្នុងកិច្ចប្រជុំដែលមានអ្នកចូលរួមសរុបប្រមាណ២០នាក់ តំណាងមកពីនាយកដ្ឋានជំនាញក្រោមឱវាទក្រសួងសាធារណការនិងដឹកជញ្ជូន តំណាងអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព (អ.ក.អ.ច) និងកម្មវិធីសម្ព័ន្ធភាពប្រែប្រួលអាកាសធាតុកម្ពុជា។

 

នៅក្នុងកិច្ចប្រជុំនោះ ឯកឧត្តម វ៉ាស៊ីមសូរិយា អគ្គនាយករដ្ឋបាលនៃក្រសួងសាធារណការ និងដឹកជញ្ជូន បានមានប្រសាសន៍ទទួលស្គាល់ថា ការដាក់បញ្ចូលការប្រែប្រួលអាកាសធាតុទៅក្នុងផែនការ និងថវិកាក្នុងវិស័យសាធារណការ និងដឹកជញ្ជូនពិតជាមានសារៈសំខាន់ និងចាំបាច់ ស្របពេលដែលបញ្ហាគ្រោះទឹកជំនន់ និងគ្រោះរាំងស្ងួត ពិសេសការកើនឡើងកម្តៅភពផែនដីកាន់តែធ្ងន់ធ្ងរឡើង។ ទន្ទឹមនឹងនេះ ឯកឧត្តមបានស្នើឱ្យក្រុមការងារជំនាញនៃនាយកដ្ឋានពាក់ព័ន្ធពិនិត្យមើលលទ្ធភាពនៃការដាក់បញ្ចូលបញ្ហាទាំងនេះទៅក្នុងផែនការប្រចាំឆ្នាំ និងថវិកាកម្មវិធីសម្រាប់ឆ្នាំ២០១៧ឬ ២០១៨។

 

ជាមួយគ្នានេះ អង្គប្រជុំបានសម្រេចជ្រើសរើសនាយកដ្ឋានផ្លូវថ្នល់ និងនាយកដ្ឋានហេដ្ឋារចនាសម្ព័ន្ធថ្នាក់ក្រោមជាតិ ដោយបានជ្រើសរើស៣-៤គម្រោង ដើម្បីសិក្សាសាកល្បងនិងដាក់បញ្ចូលការប្រែប្រួលអាកាសធាតុសម្រាប់ឆ្នាំ២០១៦ និង២០១៧។ សម្រេចដាក់បញ្ចូលការប្រែប្រួលអាកាសធាតុទៅក្នុងផែនការយុទ្ធសាស្ត្រថវិការបស់ក្រសួងសាធារណការ និងដឹកជញ្ជូនសម្រាប់ឆ្នាំ២០១៧ ដោយមានការគាំទ្រពីជំនាញការរបស់កម្មវិធីសម្ព័ន្ធភាពប្រែប្រួលអាកាសធាតុកម្ពុជា និងផ្តល់វគ្គបណ្តុះបណ្តាលដល់មន្ត្រីជំនាញនៅតាមនាយកដ្ឋានអំពីការវិភាគការចំណាយ-ផលចំណេញលើគម្រោងវិនិយោគដែលពាក់ព័ន្ធនឹងការប្រែប្រួលអាកាសធាតុ។

 

សូមបញ្ជាក់ថា ការឯកភាពសាកល្បងនេះបានធ្វើឡើងបន្ទាប់ពីភាគីទាំងពីរបានចុះកិច្ចព្រមព្រៀងនៅថ្ងៃទី២៨ ខែមេសា ឆ្នាំ២០១៦ ដើម្បីអនុវត្តកម្មវិធីការងារចំនួនពីរគឺ ១-ការដាក់បញ្ចូលការប្រែប្រួលអាកាសធាតុទៅក្នុងថវិកាកម្មវិធីរបស់ក្រសួងសាធារណការនិងដឹកជញ្ជូនសម្រាប់ឆ្នាំ២០១៧ និង២-ការសិក្សាពីការចំណាយ-ផលចំណេញនៃកម្មវិធីវិនិយោគដែលពាក់ព័ន្ធនឹងការប្រែប្រួលអាកាសធាតុ៕

 

អត្ថបទដកស្រង់ចេញពីគេហទំព័រទីភ្នាក់ងារសារព័ត៌មានកម្ពុជា (AKP)

ប្រសាសន៍​​សម្តេចក្រឡាហោម ស ខេង

ស្វែងរក

​សម្លេង​

ប្រសាសន៍ ឯកឧត្តម ស ខេង ក្នុងកិច្ចប្រជុំលើកទី១០របស់ គ.ជ.អ.ប

ប្រសាសន៍ឯកឧត្តម សក់ សេដ្ឋា ក្នុងសិក្ខាសាលាបញ្ចប់គម្រោង PILAC2 (21-01-2015) 

ប្រសាសន៍ឯកឧត្តម សក់ សេដ្ឋា ក្នុង សិក្ខាសាលា ចែករំលែក បទពិសោធន៍ ការផ្ទេរមុខងារ ទៅកាន់ រដ្ឋបាល ថ្នាក់ក្រោមជាតិ

 

ឯកឧត្តម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធាន គ.ជ.អ.ប ថ្លែងបើកកិច្ចប្រជុំលើកទី៩ របស់ គ.ជ.អ.ប

ឯកឧត្តម ជាម ប៉េអា ប្រធាន អង្គភាព ត្រួតពិនិត្យ វាយតម្លៃ និងព័ត៌មាន នៃ លេខាធិការដ្ឋាន គ.ជ.អ.ប ថ្លែងក្នុង សិក្ខាសាលា ផ្សព្វផ្សាយ ឯកសារ ផែនការ យុទ្ធសាស្ត្រ គណនេយ្យ ភាពសង្គម (14-08-14)

ឯកឧត្តម ងី ច័ន្រ្ទផល រដ្ឋលេខាធិការ ក្រសួង មហាផ្ទៃ ថ្លែងក្នុង សិក្ខាសាលា ផ្សព្វផ្សាយ ឯកសារ យុទ្ធសាស្រ្ត គណនេយ្យ ភាពសង្គម (13-08-14)

ប្រសាសន៍ ឯកឧត្តម លេង វី ថ្លែងក្នុង វគ្គបណ្តុះ បណ្តាល គ្រូឧទ្ទេស រាជធានី ខេត្ត វគ្គ២ ស្តីពី ផែនការ អភិវឌ្ឍន៍ ប្រាំឆ្នាំ និងកម្មវិធី វិនិយោគ បីឆ្នាំ រំកិល រាជធានី ខេត្ត ថ្ងៃទី១៤ កក្កដា ២០១៤

មតិសំណេះសំណាលឯកឧត្ដម សក់ សេដ្ឋា ក្នុងសិក្ខាសាលា សេចក្តីព្រាង អនុក្រឹត្យ ការរៀបចំដីកា ការអនុវត្ត មុខងារជា ជម្រើស នៅថ្នាក់ ក្រោមជាតិ និងឯកសារ ផអ៣ ទី២

ប្រសាសន៍ ឯកឧត្តម លេង វី ថ្លែងក្នុងវគ្គបណ្តុះបណ្តាលគ្រូឧទ្ទេស រាជធានី ខេត្ត ស្តីពីផែនការអភិវឌ្ឍន៍ ប្រាំឆ្នាំ និងកម្មវិធីវិនិយោគបីឆ្នាំរំកិល រាជធានី ខេត្ត ថ្ងៃទី៧ កក្កដា ២០១៤

កម្មវិធីវិទ្យុៈ ចូលរួមដើម្បីការឆ្លើយតប៖ អង្គការសហគមន៍មូលដ្ឋាន

កម្មវិធីវិទ្យុៈ ចូលរួមដើម្បីការឆ្លើយតប៖ ការចួលរូមរបស់យុវជន

កម្មវិធីវិទ្យុៈ ចូលរួមដើម្បីការឆ្លើយតប៖ ម៉ោងជួបប្រជាពលរដ្ឋ

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី២វគ្គ២)

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី២វគ្គ១)

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី១)

សុន្ទរកថារបស់ឯកឧត្តម ស ខេង ក្នុងកម្មវិធីបិទសិក្ខាសាលាជាតិស្តីពីការ រៀបចំផែនការសកម្មភាព និងថវិកា២០១៤

សុន្ទរកថារបស់ឯកឧត្តម សក់ សេដ្ឋា ក្នុងកម្មវិធីបិទសិក្ខាសាលាជាតិស្តីពីការ រៀបចំផែនការសកម្មភាព និងថវិកា២០១៤

វេទិកាពិភាក្សា ជីវិតយើង សង្គមយើង

វេទិកាពិភាក្សា នៅក្រុងបាត់ដំបង និងពោធិសាត់

ការអភិវឌ្ឍតាមបែបប្រជាធិបតេយ្យ នៅកម្ពុជា

ការប្តឹងតវ៉ារបស់ប្រជាពលរដ្ឋ

កិច្ចពិគ្រោះយោបល់នៅថ្នាក់មូល ដ្ឋានរបស់ក្រុមប្រឹក្សាឃុំ សង្កាត់

ដំណើរការសម្រេចចិត្តរបស់ ក្រុមប្រឹក្សា  

 

ការពិគ្រោះយោបល់នៅថ្នាក់ មូលដ្ឋានរបស់ក្រុមប្រឹក្សាស្រុក ក្រុង 

ការផ្សព្វផ្សាយនិងទទួលព័ត៌មាន ពីក្រុមប្រឹក្សា

ប្រជាពលរដ្ឋសកម្ម

លើកកម្ពស់ការចូលរួមរបស់ប្រជាពលរដ្ឋដើម្បីឲ្យមានការឆ្លើយតប

ការចូលរួមរបស់ប្រជាពលរដ្ឋក្នុង កិច្ចប្រជុំប្រចាំខែរបស់ក្រុមប្រឹក្សា ស្រុក ក្រុង

ការចូលរួមនិងទទួលយោបល់របស់យុវវ័យ
និងកុមារក្នុងការសម្រេចចិត្តរបស់ក្រុមប្រឹក្សា

ការចាត់អាទិភាពបញ្ហាក្នុងកម្មវិធីវិនិយោគស្រុក ក្រុង     

ដើម្បីសហគមន៍ក្រុមប្រឹក្សា រដ្ឋបាលថ្នាក់ក្រោមជាតិ

សារប្រយោជន៍នៃការចុះបញ្ជីកំណើត

សារប្រយោជន៍នៃការចុះបញ្ជី
អាពាហ៍ពិពាហ៍

សារប្រយោជន៍នៃការចុះបញ្ជីមរណភាព

បណ្ណាល័យ គ.ជ.អ.ប (NCDD Library)