សារលិខិតរបស់សម្តេចនាយករដ្ឋមន្រ្តី

ពិធី​បិទវគ្គ​បណ្តុះបណ្តាល​មន្ត្រី​ការិយាល័យ​ច្រកចេញចូល​តែមួយ​ និង​ការិយាល័យ​ប្រជាពលរដ្ឋ​សម្រាប់ក្រុងគោល​ដៅ​ថ្មី​

កំពង់ចាម ១៩ កុម្ភៈ ២០១៤៖ វគ្គបណ្តុះបណ្តាលមន្ត្រីការិយាល័យច្រកចេញចូលតែមួយ និងការិយាល័យប្រជាពលរដ្ឋសម្រាប់ក្រុង គោលដៅថ្មី ដើម្បីផ្តល់នូវចំនេះដឹងអំពីនីតិវិធីដំណើរការតួនាទី និងភារកិច្ចរបស់ការិយាល័យច្រកចេញចូលតែមួយ និងការិយាល័យ ប្រជាពលរដ្ឋដល់មន្ត្រីដែលទើបជ្រើសរើសថ្មីសម្រាប់បំពេញការងារនៅការិយាល័យទាំងពីរនេះ ត្រូវបានបិទបញ្ចប់នៅក្រុងកំពង់ចាម ខេត្តកំពង់ចាម កាលពីថ្ងៃទី១៣ កុម្ភៈ ឆ្នាំ២០១៤។

 

ក្នុងពិធីបិទវគ្គបណ្តុះបណ្តាលនេះមានការអញ្ជើញជាអធិបតីភាព លោក ចាន់ សុធា ប្រធានអង្គភាពវិភាគ និងអភិវឌ្ឍន៍គោល នយោបាយ និងជាប្រធានគម្រោងការិយាល័យច្រកចេញចូលតែមួយព្រមទាំងជាតំណាងដ៏ខ្ពង់ខ្ពស់របស់ឯកឧត្តមអគ្គនាយក នៃ អគ្គនាយកដ្ឋានរដ្ឋបាលមូលដ្ឋាន ក្រសួងមហាផ្ទៃ និងមានសមាសភាពចូលរួមក្នុងវគ្គបណ្តុះបណ្តាលនេះសរុបចំនួន ៨៤នាក់ ដែលរួម មានអភិបាល អភិបាលរងក្រុង ប្រធានការិយាល័យច្រកចេញចូលតែមួយ ប្រធានការិយាល័យប្រជាពលរដ្ឋ ព្រមទាំងមន្ត្រីជួរមុខ និង មន្ត្រីជួរក្រោយនៃក្រុងគោលដៅថ្មីចំនួន០៤ គឺក្រុងស្វាយរៀង ក្រុងព្រៃវែង ក្រុងកំពង់ចាម និងក្រុងសិរីសោភ័ណ ។

 

ប្រធានបទសំខាន់ៗជាច្រើន ត្រូវបានយកមកបង្ហាញដល់សិក្ខាកាមក្នុងវគ្គបណ្តុះបណ្តាលនេះ ដោយគ្រូឧទ្ទេសដែលមានបទពិសោធន៍ នៅក្នុងការអនុវត្តការងារនេះ។ ប្រធានបទទាំងនោះរួមមាន ទស្សនទាននៃការផ្តល់សេវាសាធារណៈ នីតិវិធីនៃការអនុវត្តតួនាទី និង ភារកិច្ចរបស់ការិយាល័យច្រកចេញចូលតែមួយ និងការិយាល័យប្រជាពលរដ្ឋ ក្រមសីលធម៌របស់មន្ត្រីរាជការនៃការិយាល័យច្រក ចេញចូលតែមួយ ការរៀបចំ និងអនុវត្តនៃទម្រង់ថ្មីនៃការពិគ្រោះយោបល់ និងការចូលរួមរបស់ប្រជាពលរដ្ឋ យុទ្ធនាការផ្សព្វផ្សាយ ព័ត៌មាន និងការសម្របសម្រួលដោះស្រាយពាក្យបណ្តឹងតវ៉ារបស់ការិយាល័យប្រជាពលរដ្ឋ។

 

ក្នុងពិធីបិទវគ្គបណ្តុះបណ្តាលនេះបន្ទាប់ពីឯកឧត្តម លី ឡេង អភិបាលរងខេត្តកំពង់ចាម បានឡើងមានមតិចាប់អារម្មណ៍អំពីការរៀបចំ វគ្គបណ្តុះបណ្តាលនេះរួចមក លោក ចាន់ សុធា បានថ្លែងកោតសរសើរចំពោះសិក្ខាកាមទាំងអស់ដែលបានខិតខំប្រឹងប្រែងស្តាប់នូវ បទបង្ហាញនានារយៈពេល៣ថ្ងៃកន្លងមក។ លោកបានបញ្ជាក់ថា ផ្អែកតាមរបាយការណ៍របស់គណៈគ្រប់គ្រងវគ្គបានបង្ហាញថា សិក្ខាកាមទាំងអស់បានចូលរួមយ៉ាងផុលផុសនៅក្នុងវគ្គបណ្តុះបណ្តាលនេះ ដោយមានការសាកសួរបញ្ជាក់នូវសំណួរយ៉ាងច្រើនដល់ គ្រូឧទ្ទេស ដែលញ៉ាំងឲ្យលទ្ធផលនៃការធ្វើតេស្តបញ្ចប់វគ្គទទួលបានលទ្ធផលខ្ពស់។

 

ជាមួយនេះ លោកបានបន្ថែមថា ថ្វីត្បិតតែវគ្គនេះទទួលលទ្ធផលល្អតាមការរំពឹងទុក លោកស្នើសុំឲ្យសិក្ខាកាមទាំងអស់បន្តស្វែងយល់ នូវកិច្ចការទាំងនេះបន្ថែមទៀតតាមរយៈស្វ័យសិក្សា ការផ្លាស់ប្តូរបទពិសោធន៍រវាងគ្នា និងគ្នា និងដកស្រង់បទពិសោធន៍តាមរយៈ ការ អនុវត្តការងារផ្ទាល់របស់ខ្លួន។ លោកសង្ឃឹមជឿជាក់ថា ចំណេះដឹងទាំងនេះ គឺជាទុនដ៏មានតម្លៃសម្រាប់ឲ្យសិក្ខាកាមទាំងអស់ យក ទៅអនុវត្តការងាររបស់ខ្លួនឲ្យបានជោគជ័យនាពេលខាងមុខនេះ ហើយក្រសួងក៏កំពុងរៀបចំនូវវគ្គបណ្តុះបណ្តាលបច្ចេកទេស ទស្សន កិច្ចសិក្សា និងកម្មវិធីសិក្សាជួនដល់មន្ត្រីរបស់ការិយាល័យទាំងពីនេះបន្ថែមទៀត។

 

ក្នុងកម្មវិធីបិទវគ្គបណ្តុះបណ្តាលនេះក៏មានចែកនូវវិញ្ញបនបត្របញ្ជាក់ការសិក្សាជូនដល់មន្ត្រីទាំងអស់ដែលបានចូលរួមនៅក្នុងវគ្គបណ្តុះបណ្តាលនេះផងដែរ។ គួរបញ្ជាក់ផងដែរថា វគ្គបណ្តុះបណ្តាលនេះត្រូវបានរៀបចំរយៈពេលចំនួន០៣ថ្ងៃ ចាប់ពីថ្ងៃទី១១ ដល់ថ្ងៃទី១៣ ខែកុម្ភៈ ឆ្នាំ២០១៤។

ដកស្រង់ចេញពីគេហទំព័រ ការិយាល័យច្រកចេញចូលតែមួយ

ប្រសាសន៍​​សម្តេចក្រឡាហោម ស ខេង

ស្វែងរក

​សម្លេង​

ប្រសាសន៍ ឯកឧត្តម ស ខេង ក្នុងកិច្ចប្រជុំលើកទី១០របស់ គ.ជ.អ.ប

ប្រសាសន៍ឯកឧត្តម សក់ សេដ្ឋា ក្នុងសិក្ខាសាលាបញ្ចប់គម្រោង PILAC2 (21-01-2015) 

ប្រសាសន៍ឯកឧត្តម សក់ សេដ្ឋា ក្នុង សិក្ខាសាលា ចែករំលែក បទពិសោធន៍ ការផ្ទេរមុខងារ ទៅកាន់ រដ្ឋបាល ថ្នាក់ក្រោមជាតិ

 

ឯកឧត្តម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធាន គ.ជ.អ.ប ថ្លែងបើកកិច្ចប្រជុំលើកទី៩ របស់ គ.ជ.អ.ប

ឯកឧត្តម ជាម ប៉េអា ប្រធាន អង្គភាព ត្រួតពិនិត្យ វាយតម្លៃ និងព័ត៌មាន នៃ លេខាធិការដ្ឋាន គ.ជ.អ.ប ថ្លែងក្នុង សិក្ខាសាលា ផ្សព្វផ្សាយ ឯកសារ ផែនការ យុទ្ធសាស្ត្រ គណនេយ្យ ភាពសង្គម (14-08-14)

ឯកឧត្តម ងី ច័ន្រ្ទផល រដ្ឋលេខាធិការ ក្រសួង មហាផ្ទៃ ថ្លែងក្នុង សិក្ខាសាលា ផ្សព្វផ្សាយ ឯកសារ យុទ្ធសាស្រ្ត គណនេយ្យ ភាពសង្គម (13-08-14)

ប្រសាសន៍ ឯកឧត្តម លេង វី ថ្លែងក្នុង វគ្គបណ្តុះ បណ្តាល គ្រូឧទ្ទេស រាជធានី ខេត្ត វគ្គ២ ស្តីពី ផែនការ អភិវឌ្ឍន៍ ប្រាំឆ្នាំ និងកម្មវិធី វិនិយោគ បីឆ្នាំ រំកិល រាជធានី ខេត្ត ថ្ងៃទី១៤ កក្កដា ២០១៤

មតិសំណេះសំណាលឯកឧត្ដម សក់ សេដ្ឋា ក្នុងសិក្ខាសាលា សេចក្តីព្រាង អនុក្រឹត្យ ការរៀបចំដីកា ការអនុវត្ត មុខងារជា ជម្រើស នៅថ្នាក់ ក្រោមជាតិ និងឯកសារ ផអ៣ ទី២

ប្រសាសន៍ ឯកឧត្តម លេង វី ថ្លែងក្នុងវគ្គបណ្តុះបណ្តាលគ្រូឧទ្ទេស រាជធានី ខេត្ត ស្តីពីផែនការអភិវឌ្ឍន៍ ប្រាំឆ្នាំ និងកម្មវិធីវិនិយោគបីឆ្នាំរំកិល រាជធានី ខេត្ត ថ្ងៃទី៧ កក្កដា ២០១៤

កម្មវិធីវិទ្យុៈ ចូលរួមដើម្បីការឆ្លើយតប៖ អង្គការសហគមន៍មូលដ្ឋាន

កម្មវិធីវិទ្យុៈ ចូលរួមដើម្បីការឆ្លើយតប៖ ការចួលរូមរបស់យុវជន

កម្មវិធីវិទ្យុៈ ចូលរួមដើម្បីការឆ្លើយតប៖ ម៉ោងជួបប្រជាពលរដ្ឋ

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី២វគ្គ២)

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី២វគ្គ១)

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី១)

សុន្ទរកថារបស់ឯកឧត្តម ស ខេង ក្នុងកម្មវិធីបិទសិក្ខាសាលាជាតិស្តីពីការ រៀបចំផែនការសកម្មភាព និងថវិកា២០១៤

សុន្ទរកថារបស់ឯកឧត្តម សក់ សេដ្ឋា ក្នុងកម្មវិធីបិទសិក្ខាសាលាជាតិស្តីពីការ រៀបចំផែនការសកម្មភាព និងថវិកា២០១៤

វេទិកាពិភាក្សា ជីវិតយើង សង្គមយើង

វេទិកាពិភាក្សា នៅក្រុងបាត់ដំបង និងពោធិសាត់

ការអភិវឌ្ឍតាមបែបប្រជាធិបតេយ្យ នៅកម្ពុជា

ការប្តឹងតវ៉ារបស់ប្រជាពលរដ្ឋ

កិច្ចពិគ្រោះយោបល់នៅថ្នាក់មូល ដ្ឋានរបស់ក្រុមប្រឹក្សាឃុំ សង្កាត់

ដំណើរការសម្រេចចិត្តរបស់ ក្រុមប្រឹក្សា  

 

ការពិគ្រោះយោបល់នៅថ្នាក់ មូលដ្ឋានរបស់ក្រុមប្រឹក្សាស្រុក ក្រុង 

ការផ្សព្វផ្សាយនិងទទួលព័ត៌មាន ពីក្រុមប្រឹក្សា

ប្រជាពលរដ្ឋសកម្ម

លើកកម្ពស់ការចូលរួមរបស់ប្រជាពលរដ្ឋដើម្បីឲ្យមានការឆ្លើយតប

ការចូលរួមរបស់ប្រជាពលរដ្ឋក្នុង កិច្ចប្រជុំប្រចាំខែរបស់ក្រុមប្រឹក្សា ស្រុក ក្រុង

ការចូលរួមនិងទទួលយោបល់របស់យុវវ័យ
និងកុមារក្នុងការសម្រេចចិត្តរបស់ក្រុមប្រឹក្សា

ការចាត់អាទិភាពបញ្ហាក្នុងកម្មវិធីវិនិយោគស្រុក ក្រុង     

ដើម្បីសហគមន៍ក្រុមប្រឹក្សា រដ្ឋបាលថ្នាក់ក្រោមជាតិ

សារប្រយោជន៍នៃការចុះបញ្ជីកំណើត

សារប្រយោជន៍នៃការចុះបញ្ជី
អាពាហ៍ពិពាហ៍

សារប្រយោជន៍នៃការចុះបញ្ជីមរណភាព

បណ្ណាល័យ គ.ជ.អ.ប (NCDD Library)