សារលិខិតរបស់សម្តេចនាយករដ្ឋមន្រ្តី

ចុះ​វាយតម្លៃ​ ការ​អនុវត្ត​ គម្រោង​រដ្ឋបាល​មូលដ្ឋាន និង​ការ​ប្រែប្រួល​អាកាសធាតុ​ ខេត្ត​បាត់ដំបង

បាត់ដំបង ១៦ ធ្នូ ២០១៤៖ លេខាធិការដ្ឋានគ.ជ.អ.ប និងតំណាងអង្គការ UNCDF ដោយមានកិច្ចសហការជាមួយរដ្ឋបាលខេត្តបាត់ដំបង កាលពីថ្ងៃ១៥-១៩ ខែធ្នូ ឆ្នាំ២០១៤ បានចុះសិក្សាវាយតម្លៃការអនុវត្តគម្រោងរដ្ឋបាលមូលដ្ឋាន និងការប្រែប្រួលអាកាសធាតុដំណាក់កាល២ (LGCCII) ក្នុងស្រុកគោលដៅទាំងប្រាំនៃខេត្តបាត់ដំបង រួមមានស្រុកសំពៅលូន ស្រុកបវេល ស្រុកថ្មគោល ស្រុកមោងឬស្សី និងស្រុករុក្ខគិរី។

 

ការចុះវាយតម្លៃនេះធ្វើឡើងក្នុងគោលបំណងដើម្បីពិនិត្យពីវឌ្ឍនភាព នៃការអនុវត្តគម្រោងLGCC II  ជាពិសេសវាយតម្លៃលើការអនុវត្តមូលនិធិបន្ស៊ាំទៅនឹងការប្រែប្រួលអាកាសធាតុ ដោយផ្អែកលើលទ្ធផលនៃការអនុវត្ត(PBCR) តាមបណ្តាស្រុក និងឃុំគោលដៅទាំងអស់។

 

ក្នុងជំនួបជាមួយក្រុមការងារអនុវត្តគម្រោងLGCC II ថ្នាក់ស្រុក ដែលមានសមាសភាពចូលរួមពីក្រុមប្រឹក្សា គណៈអភិបាលស្រុក តំណាងការិយាល័យចំណុះស្រុក មេឃុំ ស្មៀន និងអ្នកពាក់ព័ន្ធ នៅសាលាស្រុកបវេល កាលពីថ្ងៃទី១៥ ខែធ្នូ ឆ្នាំ២០១៤  លោក សរ កុសល តំណាងប្រចាំប្រទេសនៃអង្គការUNCDF បានលើកឡើងពីជោគជ័យចំបងៗដែលគម្រោងLGCC អនុវត្តសម្រេចបានក្នុងឆ្នាំកន្លងទៅ ជាពិសេសទទួលបានការកោតសសើរ និងគាំទ្រកាន់តែច្រើនឡើងពីម្ចាស់ជំនួយ និងលេខាធិការដ្ឋាន គ.ជ.អ.ប។ ជាក់ស្តែងគម្រោងLGCC II នឹងបន្តអនុវត្តមួយឆ្នាំទៀតគឺរហូតដល់ឆ្នាំ២០១៥។

 

លោក សរ កុសល បន្តទៀតថា ជារៀងរាល់ឆ្នាំក្រុមការងារថ្នាក់ជាតិ តែងតែចុះសិក្សាវាយតម្លៃលើ សមិទ្ធផល ដែលសម្រេចបានពីការខិតខំចូលរួមអនុវត្តរបស់ថ្នាក់ខេត្ត ស្រុក និងឃុំគោលដៅ ដើម្បីជាភស្តុតាងបង្ហាញពីភាពជោគជ័យ និងអនុវត្តស្របតាមគោលដៅ និងគោលបំណងរួមរបស់គម្រោងក្នុងការបន្ស៊ាំនឹងការប្រែប្រួលអាកាសធាតុ។

 

លោកក៏បានសំណូមពរដល់ក្រុមការងារត្រូវយកចិត្តទុកដាក់ខ្ពស់ក្នុងការឆ្លើយសំនួរ និងបង្ហាញព័ត៌មានជាក់លាក់ពីភាពមិនប្រក្រតី និងបញ្ហាប្រឈមនានា ដែលជាឧបសគ្គរាំងស្ទះ ដើម្បីឲ្យក្រុមការងារមានលទ្ធភាពប្រជុំពិភាក្សាដោះស្រាយជាបន្ទាន់ផងដែរ។

 

បន្ទាប់មក ក្រុមការងារបានចុះត្រួតពិនិត្យទីតាំងអនុវត្តគម្រោងផ្ទាល់ និងបានជួបសម្ភាសន៍ជាមួយប្រជាពលរដ្ឋដែលជាអ្នកទទួលផលតាមកម្មវិធីដែលបានគ្រោងទុក។

 

គួរបញ្ជាក់ថា គម្រោង LGCCII ត្រូវបានគាំទ្រដោយមូលនិធិបន្ស៊ាំទៅនឹងការប្រែប្រួលអាកាសធាតុ ដោយផ្អែកលើលទ្ធផល នៃការអនុវត្ត (PBCR Grant ក្រោមកិច្ចសហការអនុវត្តដោយលេខាធិការដ្ឋាន នៃគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប) និងរដ្ឋបាលខេត្តគោលដៅចំនួនពីរគឺខេត្តតាកែវ និងខេត្តបាត់ដំបង។
 
ចំពោះខេត្តបាត់ដំបង ក្នុងឆ្នាំ២០១៣ កន្លងទៅ គម្រោងLGCC បានគាំទ្រដល់ស្រុក និងឃុំគោលដៅ លើ គម្រោងហេដ្ឋារចនាសម្ព័ន្ធចំនួន ១២គម្រោង និងគម្រោងសេវាកម្មចំនួន ៧គម្រោង។ ឆ្នាំ២០១៤នេះ គម្រោងបានបន្តផ្ដល់ថវិកាបដិភាគគាំទ្រ លើគម្រោងហេដ្ឋារចនាសម្ព័ន្ធមាន ចំនួន១៩គម្រោង និងគម្រោងសេវាកម្មចំនួន ១៦គម្រោង ដែលសរុបមានចំនួន៣៥គម្រោង៕ NCDDS

ប្រសាសន៍​​សម្តេចក្រឡាហោម ស ខេង

ស្វែងរក

​សម្លេង​

ប្រសាសន៍ ឯកឧត្តម ស ខេង ក្នុងកិច្ចប្រជុំលើកទី១០របស់ គ.ជ.អ.ប

ប្រសាសន៍ឯកឧត្តម សក់ សេដ្ឋា ក្នុងសិក្ខាសាលាបញ្ចប់គម្រោង PILAC2 (21-01-2015) 

ប្រសាសន៍ឯកឧត្តម សក់ សេដ្ឋា ក្នុង សិក្ខាសាលា ចែករំលែក បទពិសោធន៍ ការផ្ទេរមុខងារ ទៅកាន់ រដ្ឋបាល ថ្នាក់ក្រោមជាតិ

 

ឯកឧត្តម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធាន គ.ជ.អ.ប ថ្លែងបើកកិច្ចប្រជុំលើកទី៩ របស់ គ.ជ.អ.ប

ឯកឧត្តម ជាម ប៉េអា ប្រធាន អង្គភាព ត្រួតពិនិត្យ វាយតម្លៃ និងព័ត៌មាន នៃ លេខាធិការដ្ឋាន គ.ជ.អ.ប ថ្លែងក្នុង សិក្ខាសាលា ផ្សព្វផ្សាយ ឯកសារ ផែនការ យុទ្ធសាស្ត្រ គណនេយ្យ ភាពសង្គម (14-08-14)

ឯកឧត្តម ងី ច័ន្រ្ទផល រដ្ឋលេខាធិការ ក្រសួង មហាផ្ទៃ ថ្លែងក្នុង សិក្ខាសាលា ផ្សព្វផ្សាយ ឯកសារ យុទ្ធសាស្រ្ត គណនេយ្យ ភាពសង្គម (13-08-14)

ប្រសាសន៍ ឯកឧត្តម លេង វី ថ្លែងក្នុង វគ្គបណ្តុះ បណ្តាល គ្រូឧទ្ទេស រាជធានី ខេត្ត វគ្គ២ ស្តីពី ផែនការ អភិវឌ្ឍន៍ ប្រាំឆ្នាំ និងកម្មវិធី វិនិយោគ បីឆ្នាំ រំកិល រាជធានី ខេត្ត ថ្ងៃទី១៤ កក្កដា ២០១៤

មតិសំណេះសំណាលឯកឧត្ដម សក់ សេដ្ឋា ក្នុងសិក្ខាសាលា សេចក្តីព្រាង អនុក្រឹត្យ ការរៀបចំដីកា ការអនុវត្ត មុខងារជា ជម្រើស នៅថ្នាក់ ក្រោមជាតិ និងឯកសារ ផអ៣ ទី២

ប្រសាសន៍ ឯកឧត្តម លេង វី ថ្លែងក្នុងវគ្គបណ្តុះបណ្តាលគ្រូឧទ្ទេស រាជធានី ខេត្ត ស្តីពីផែនការអភិវឌ្ឍន៍ ប្រាំឆ្នាំ និងកម្មវិធីវិនិយោគបីឆ្នាំរំកិល រាជធានី ខេត្ត ថ្ងៃទី៧ កក្កដា ២០១៤

កម្មវិធីវិទ្យុៈ ចូលរួមដើម្បីការឆ្លើយតប៖ អង្គការសហគមន៍មូលដ្ឋាន

កម្មវិធីវិទ្យុៈ ចូលរួមដើម្បីការឆ្លើយតប៖ ការចួលរូមរបស់យុវជន

កម្មវិធីវិទ្យុៈ ចូលរួមដើម្បីការឆ្លើយតប៖ ម៉ោងជួបប្រជាពលរដ្ឋ

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី២វគ្គ២)

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី២វគ្គ១)

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី១)

សុន្ទរកថារបស់ឯកឧត្តម ស ខេង ក្នុងកម្មវិធីបិទសិក្ខាសាលាជាតិស្តីពីការ រៀបចំផែនការសកម្មភាព និងថវិកា២០១៤

សុន្ទរកថារបស់ឯកឧត្តម សក់ សេដ្ឋា ក្នុងកម្មវិធីបិទសិក្ខាសាលាជាតិស្តីពីការ រៀបចំផែនការសកម្មភាព និងថវិកា២០១៤

វេទិកាពិភាក្សា ជីវិតយើង សង្គមយើង

វេទិកាពិភាក្សា នៅក្រុងបាត់ដំបង និងពោធិសាត់

ការអភិវឌ្ឍតាមបែបប្រជាធិបតេយ្យ នៅកម្ពុជា

ការប្តឹងតវ៉ារបស់ប្រជាពលរដ្ឋ

កិច្ចពិគ្រោះយោបល់នៅថ្នាក់មូល ដ្ឋានរបស់ក្រុមប្រឹក្សាឃុំ សង្កាត់

ដំណើរការសម្រេចចិត្តរបស់ ក្រុមប្រឹក្សា  

 

ការពិគ្រោះយោបល់នៅថ្នាក់ មូលដ្ឋានរបស់ក្រុមប្រឹក្សាស្រុក ក្រុង 

ការផ្សព្វផ្សាយនិងទទួលព័ត៌មាន ពីក្រុមប្រឹក្សា

ប្រជាពលរដ្ឋសកម្ម

លើកកម្ពស់ការចូលរួមរបស់ប្រជាពលរដ្ឋដើម្បីឲ្យមានការឆ្លើយតប

ការចូលរួមរបស់ប្រជាពលរដ្ឋក្នុង កិច្ចប្រជុំប្រចាំខែរបស់ក្រុមប្រឹក្សា ស្រុក ក្រុង

ការចូលរួមនិងទទួលយោបល់របស់យុវវ័យ
និងកុមារក្នុងការសម្រេចចិត្តរបស់ក្រុមប្រឹក្សា

ការចាត់អាទិភាពបញ្ហាក្នុងកម្មវិធីវិនិយោគស្រុក ក្រុង     

ដើម្បីសហគមន៍ក្រុមប្រឹក្សា រដ្ឋបាលថ្នាក់ក្រោមជាតិ

សារប្រយោជន៍នៃការចុះបញ្ជីកំណើត

សារប្រយោជន៍នៃការចុះបញ្ជី
អាពាហ៍ពិពាហ៍

សារប្រយោជន៍នៃការចុះបញ្ជីមរណភាព

បណ្ណាល័យ គ.ជ.អ.ប (NCDD Library)