សារលិខិតរបស់សម្តេចនាយករដ្ឋមន្រ្តី

សិក្ខាសាលា​ផ្សព្វផ្សាយ និងកសាងសមត្ថភាព ស្តីពី​ការ​បញ្ជ្រាបការបន្ស៊ាំទៅនឹងការប្រែប្រួល​អាកាស ធាតុទៅក្នុងដំណើរការកសាងផែនការថ្នាក់ក្រោមជាតិ

ព្រះសីហនុ ១៦ កក្កដា ២០១៥៖ ដើម្បីអោយខេត្តគោលដៅរបស់គម្រោងរដ្ឋបាលមូលដ្ឋាន និងការប្រែប្រួលអាកាសធាតុដំណាក់កាល២ (LGCCII) មានចំណេះដឹង ជំនាញ និងមសមត្ថភាពពេញលេញក្នុងពីការដាក់បញ្ចូលបញ្ហាការប្រែប្រួលអាកាសធាតុ និងការគ្រប់គ្រងគ្រោះមហន្តរាយក្នុងផែនការអភិវឌ្ឍន៍ និងកម្មវិធីរបស់ក្រុង ស្រុក និងឃុំ សង្កាត់ និងអាចបណ្ដុះបណ្ដាលបន្តបាន ក្រុមការងារ LGCCII របស់លេខាធិការដ្ឋាន គ.ជ.អ.ប ដោយសហការជាមួយអង្គការ UNCDF នៅកម្ពុជា បានរៀបចំសិក្ខាសាលាផ្សព្វផ្សាយ និងកសាងសមត្ថភាព ស្តីពីបញ្ជ្រាបការបន្សុំាទៅនឹងការប្រែប្រួលអាកាសធាតុទៅក្នុងដំណើរការកសាងផែនការថ្នាក់ក្រោមជាតិ កាលពីថ្ងៃទី១៥ ដល់ថ្ងៃទី១៧ ខែកក្កដា ឆ្នាំ២០១៥ នៅខេត្តព្រះសីហនុ។

 

ថ្លែងបើកក្នុងវគ្គបណ្ដុះបណ្ដាល លោក មូល ធន នាយកទីចាត់ការផែនការវិនិយោគ ខេត្តបាត់ដំបង បានលើកឡើងថា លេខាធិការដ្ឋាននៃគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប) និងរដ្ឋបាលថ្នាក់ក្រោមជាតិ បានដើរតួនាទីយ៉ាងសំខាន់ក្នុងការកសាងសមត្ថភាព និងអនុវត្តសកម្មភាពនានាសម្រាប់បន្សុំានឹងការប្រែប្រួលអាកាសធាតុ តាមរយៈការអនុវត្តគម្រោង LGCC II ដែលមានការគាំទ្រដោយអង្គការ UNCDF ប្រចាំកម្ពុជា។

 

លោកក៏បានបន្ថែមថា គម្រោង LGCC II ពិតជាមានសារសំខាន់ក្នុងការជួយគាំទ្របច្ចេកទេស ធនធាន និងសមត្ថភាពដល់រដ្ឋបាលថ្នាក់ក្រោមជាតិ ក្នុងការបញ្ជ្រាបការប្រែប្រួលអាកាសធាតុក្នុងដំណើរការកសាងផែនការ និងថវិកាសម្រាប់វិនិយោគសមស្របលើសកម្មភាពបន្សុំាទៅនឹងការប្រែប្រួលអាកាសធាតុនៅសហគមន៍មូលដ្ឋានរបស់ប្រជាពលរដ្ឋ។

 

ជាមួយគ្នានោះដែរ លោក សរ កុសល តំណាងអង្គការ UNCDF ប្រចាំកម្ពុជា ក៏បានលើកឡើងពីភាពជោគជ័យ និងសមិទ្ធផលសំខាន់នានាដែលគម្រោង LGCC II សម្រេចបានកន្លងមកដោយបានរួមចំណែកគាំទ្របច្ចេកទេស ធនធាន និងសមត្ថភាពដល់រដ្ឋបាលថ្នាក់ក្រោមជាតិក្នុងការបញ្ជ្រាបយន្តការបន្សុំាការប្រែប្រួលអាកាសធាតុក្នុងផែនការអភិវឌ្ឍន៍ និងកម្មវិធីវិនិយោគ។

 

លោកបានវាយតម្លៃខ្ពស់លើលទ្ធផលរបស់គម្រោងថា មេរៀន និងបទពិសោធន៍ដែលទទួលបានអាចទុកជាគំរូល្អ ឬជាគំរូស្តង់ដារក្នុងការអនុវត្តសម្របសម្រួលពង្រីកការអនុវត្តក្នុងឃុំ សង្កាត់ ក្រុង ស្រុក ខណ្ឌ ដទៃក្នុងប្រទេសក៏ដូចជាក្រៅប្រទេសផងដែរ។ 

 

ដោយយោងលើកត្តាជោគជ័យ នៃការអនុវត្តគម្រោង LGCC II និងដើម្បីធានាដល់និរន្តរភាពក្នុងការអនុវត្តសកម្មភាពបន្សុំាទៅនឹងការប្រែប្រួលអាកាសធាតុរបស់រដ្ឋបាលថ្នាក់ក្រោមជាតិ លេខាធិការដ្ឋាន គ.ជ.អ.ប បានធ្វើការរួមគ្នាជាមួយគម្រោងនានាដែលគំាទ្រដល់រដ្ឋបាលថ្នាក់ក្រោម ជាតិរួមមាន UNCDF UNDP UNDP/SGP ADB SIDA និងអង្គការមូលដ្ឋាននានា កំពុងរៀបចំចងក្រង និងបង្កើតសៀវភៅណែនាំបច្ចេកទេស ស្តីពីការបញ្ជ្រាបការប្រែប្រួលអាកាសធាតុទៅក្នុងផែនការអភិវឌ្ឍន៍ និងកម្មវិធីវិនិយោគរបស់រដ្ឋបាលថ្នាក់ក្រោមជាតិ សម្រាប់ប្រើប្រាស់នាពេលអនាគត។

 

គួររំលឹកដែរថា លេខាធិការដ្ឋាន គ.ជ.អ.ប ក្រោមកិច្ចសហការគាំទ្រពីអង្គការ UNCDF បានកំពុងអនុវត្តគម្រោងសាកល្បងបញ្ជ្រាបការបន្សាំនឹងការប្រែប្រួលអាកាសធាតុនៅថ្នាក់មូលដ្ឋាន តាមរយៈគម្រោងរដ្ឋបាលមូលដ្ឋាន និងការប្រែប្រួលអាកាសធាតុ (LGCC II) នៅខេត្តគោលដៅចំនួនពីរ គឺខេត្តតាកែវ និងខេត្តបាត់ដំបង ក្នុងស្រុកចំនួន ០៨ រួមមាន ក្រុងដូនកែវ ស្រុកបាទី ស្រុកបូរីជលសារនៃខេត្តតាកែវ និង  ស្រុកបវេល ស្រុករុក្ខគីរី ស្រុកមោងឬស្សី ស្រុកថ្មគោល ស្រុកសំពៅលូននៃខេត្តបាត់ដំបង៕

 

ប្រសាសន៍​​សម្តេចក្រឡាហោម ស ខេង

ស្វែងរក

​សម្លេង​

ប្រសាសន៍ ឯកឧត្តម ស ខេង ក្នុងកិច្ចប្រជុំលើកទី១០របស់ គ.ជ.អ.ប

ប្រសាសន៍ឯកឧត្តម សក់ សេដ្ឋា ក្នុងសិក្ខាសាលាបញ្ចប់គម្រោង PILAC2 (21-01-2015) 

ប្រសាសន៍ឯកឧត្តម សក់ សេដ្ឋា ក្នុង សិក្ខាសាលា ចែករំលែក បទពិសោធន៍ ការផ្ទេរមុខងារ ទៅកាន់ រដ្ឋបាល ថ្នាក់ក្រោមជាតិ

 

ឯកឧត្តម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធាន គ.ជ.អ.ប ថ្លែងបើកកិច្ចប្រជុំលើកទី៩ របស់ គ.ជ.អ.ប

ឯកឧត្តម ជាម ប៉េអា ប្រធាន អង្គភាព ត្រួតពិនិត្យ វាយតម្លៃ និងព័ត៌មាន នៃ លេខាធិការដ្ឋាន គ.ជ.អ.ប ថ្លែងក្នុង សិក្ខាសាលា ផ្សព្វផ្សាយ ឯកសារ ផែនការ យុទ្ធសាស្ត្រ គណនេយ្យ ភាពសង្គម (14-08-14)

ឯកឧត្តម ងី ច័ន្រ្ទផល រដ្ឋលេខាធិការ ក្រសួង មហាផ្ទៃ ថ្លែងក្នុង សិក្ខាសាលា ផ្សព្វផ្សាយ ឯកសារ យុទ្ធសាស្រ្ត គណនេយ្យ ភាពសង្គម (13-08-14)

ប្រសាសន៍ ឯកឧត្តម លេង វី ថ្លែងក្នុង វគ្គបណ្តុះ បណ្តាល គ្រូឧទ្ទេស រាជធានី ខេត្ត វគ្គ២ ស្តីពី ផែនការ អភិវឌ្ឍន៍ ប្រាំឆ្នាំ និងកម្មវិធី វិនិយោគ បីឆ្នាំ រំកិល រាជធានី ខេត្ត ថ្ងៃទី១៤ កក្កដា ២០១៤

មតិសំណេះសំណាលឯកឧត្ដម សក់ សេដ្ឋា ក្នុងសិក្ខាសាលា សេចក្តីព្រាង អនុក្រឹត្យ ការរៀបចំដីកា ការអនុវត្ត មុខងារជា ជម្រើស នៅថ្នាក់ ក្រោមជាតិ និងឯកសារ ផអ៣ ទី២

ប្រសាសន៍ ឯកឧត្តម លេង វី ថ្លែងក្នុងវគ្គបណ្តុះបណ្តាលគ្រូឧទ្ទេស រាជធានី ខេត្ត ស្តីពីផែនការអភិវឌ្ឍន៍ ប្រាំឆ្នាំ និងកម្មវិធីវិនិយោគបីឆ្នាំរំកិល រាជធានី ខេត្ត ថ្ងៃទី៧ កក្កដា ២០១៤

កម្មវិធីវិទ្យុៈ ចូលរួមដើម្បីការឆ្លើយតប៖ អង្គការសហគមន៍មូលដ្ឋាន

កម្មវិធីវិទ្យុៈ ចូលរួមដើម្បីការឆ្លើយតប៖ ការចួលរូមរបស់យុវជន

កម្មវិធីវិទ្យុៈ ចូលរួមដើម្បីការឆ្លើយតប៖ ម៉ោងជួបប្រជាពលរដ្ឋ

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី២វគ្គ២)

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី២វគ្គ១)

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី១)

សុន្ទរកថារបស់ឯកឧត្តម ស ខេង ក្នុងកម្មវិធីបិទសិក្ខាសាលាជាតិស្តីពីការ រៀបចំផែនការសកម្មភាព និងថវិកា២០១៤

សុន្ទរកថារបស់ឯកឧត្តម សក់ សេដ្ឋា ក្នុងកម្មវិធីបិទសិក្ខាសាលាជាតិស្តីពីការ រៀបចំផែនការសកម្មភាព និងថវិកា២០១៤

វេទិកាពិភាក្សា ជីវិតយើង សង្គមយើង

វេទិកាពិភាក្សា នៅក្រុងបាត់ដំបង និងពោធិសាត់

ការអភិវឌ្ឍតាមបែបប្រជាធិបតេយ្យ នៅកម្ពុជា

ការប្តឹងតវ៉ារបស់ប្រជាពលរដ្ឋ

កិច្ចពិគ្រោះយោបល់នៅថ្នាក់មូល ដ្ឋានរបស់ក្រុមប្រឹក្សាឃុំ សង្កាត់

ដំណើរការសម្រេចចិត្តរបស់ ក្រុមប្រឹក្សា  

 

ការពិគ្រោះយោបល់នៅថ្នាក់ មូលដ្ឋានរបស់ក្រុមប្រឹក្សាស្រុក ក្រុង 

ការផ្សព្វផ្សាយនិងទទួលព័ត៌មាន ពីក្រុមប្រឹក្សា

ប្រជាពលរដ្ឋសកម្ម

លើកកម្ពស់ការចូលរួមរបស់ប្រជាពលរដ្ឋដើម្បីឲ្យមានការឆ្លើយតប

ការចូលរួមរបស់ប្រជាពលរដ្ឋក្នុង កិច្ចប្រជុំប្រចាំខែរបស់ក្រុមប្រឹក្សា ស្រុក ក្រុង

ការចូលរួមនិងទទួលយោបល់របស់យុវវ័យ
និងកុមារក្នុងការសម្រេចចិត្តរបស់ក្រុមប្រឹក្សា

ការចាត់អាទិភាពបញ្ហាក្នុងកម្មវិធីវិនិយោគស្រុក ក្រុង     

ដើម្បីសហគមន៍ក្រុមប្រឹក្សា រដ្ឋបាលថ្នាក់ក្រោមជាតិ

សារប្រយោជន៍នៃការចុះបញ្ជីកំណើត

សារប្រយោជន៍នៃការចុះបញ្ជី
អាពាហ៍ពិពាហ៍

សារប្រយោជន៍នៃការចុះបញ្ជីមរណភាព

បណ្ណាល័យ គ.ជ.អ.ប (NCDD Library)