សារលិខិតរបស់សម្តេចនាយករដ្ឋមន្រ្តី

សិក្ខាសាលា​ចែករំលែក​លទ្ធផល​នៃ​ការ​សាកល្បង​បញ្ជ្រាប​ការ​បន្ស៊ាំ​នឹង​ការ​ប្រែប្រួល​អាកាសធាតុ​ នៅ​ក្នុង​ដំណើរការ​កសាង​ផែនការ​នៅ​ថ្នាក់​ក្រោម​ជាតិ

ភ្នំពេញ ១៩ វិច្ឆិកា ២០១៤៖  ក្រុមការងារអនុវត្តគម្រោងសាកល្បងបញ្ជ្រាបការបន្ស៊ាំនឹងការប្រែប្រួលអាកាសធាតុនៅកម្ពុជា សហការជាមួយលេខាធិការដ្ឋាន គ.ជ.អ.ប និងដៃគូអភិវឌ្ឍន៍ បានរៀបចំសិក្ខាសាលាចែករំលែក និងផ្លាស់ប្ដូរបទពិសោធន៍ជាមួយតំណាងរដ្ឋបាលថ្នាក់ក្រោមជាតិរយៈពេលពីរថ្ងៃចាប់ពីថ្ងៃទី១៩-២០ ខែវិច្ឆិកា ឆ្នាំ២០១៤ នៅភោជនីយដ្ឋាន ទន្លេបាសាក់២ រាជធានីភ្នំពេញ។

 

សិក្ខាសាលានេះមានគោលបំណងផ្ដល់ជាវេទិកាសម្រាប់អ្នកចូលរួមទាំងអស់ធ្វើការចែករំលែកបទពិសោធន៍ និងមេរៀនជាក់ស្ដែងរបស់ខ្លួនដែលទទួលបានពីការអនុវត្តគម្រោងសាកល្បងបញ្ជ្រាបការបន្ស៊ាំនឹងការប្រែប្រួលអាកាសធាតុក្នុងផែនការអភិវឌ្ឍន៍នៅថ្នាក់ក្រុង ស្រុក ខណ្ឌ និងឃុំ សង្កាត់ ដើម្បីបង្កើនជាអតិបរមានូវភាពបំពេញគ្នាក្នុងចំណោមកិច្ចផ្ដួចផ្ដើមខុសៗគ្នាដែលគាំទ្រដល់ដំណើរការកែសម្រួលនូវគោលការណ៍ណែនាំសម្រាប់ការកសាងផែនការនៅថ្នាក់ក្រោមជាតិ។

 

សិក្ខាសាលានេះប្រព្រឹត្តិទៅក្រោមអធិបតីភាព ឯកឧត្ដម ង៉ាន់ ចំរើន អនុរដ្ឋលេខាធិការក្រសួងមហាផ្ទៃ និងជាអនុប្រធានប្រតិបត្តិនៃលេខាធិការដ្ឋាន គ.ជ.អ.ប និងមានការចូលរួមពីលោក Napoleon Navarro នាយករង UNDP  ប្រចាំប្រទេសកម្ពុជា លោក Chistopher Kaczmarski តំណាងអង្គការ UNCDF ប្រចាំតំបន់ ក្រុមការងារអនុវត្តគម្រោង តំណាងរដ្ឋបាលថ្នាក់ក្រោមជាតិដែលអនុវត្តគម្រោងសាកល្បង ក្រសួង ស្ថាប័ន និងអង្គការពាក់ព័ន្ធដែលមានចំនួនសរុបប្រមាណ១២០នាក់។

 

មានប្រសាសន៍បើកសិក្ខាសាលា ឯកឧត្ដម ង៉ាន់ ចំរើន បានវាយតម្លៃខ្ពស់ចំពោះក្រុមការងារអនុវត្តគម្រោង ដែលសម្រេចបានលទ្ធផលជាច្រើនកន្លងមក ជាពិសេសបានពង្រឹងសមត្ថភាព ការយល់ដឹងរបស់ប្រជាពលរដ្ឋ និងរដ្ឋបាលថ្នាក់ក្រោមជាតិកាន់តែប្រសើរឡើងលើការបន្ស៊ាំនឹងការប្រែប្រួលអាកាសធាតុ។ «យើងឃើញថា មូលដ្ឋានមានការយល់ដឹងបានច្រើនក្នុងចំណោមប្រជាពលរដ្ឋ និងរដ្ឋបាលថ្នាក់ក្រោមជាតិរបស់យើង ដែលការយល់ដឹងនេះបានចូលរួមចំណែកឱ្យមានការយកចិត្តទុកដាក់របស់សហគមន៍ ក៍ដូចជារដ្ឋបាលថ្នាក់ក្រោមជាតិនៅក្នុងការដោះស្រាយបញ្ហារបស់ខ្លួន។ ជាពិសេសតាមរយៈ ការរៀបចំផែនការអភិវឌ្ឍន៍ និងកម្មវិធីវិនិយោគរបស់ខ្លួន»។

 

ឯកឧត្ដម ង៉ាន់ ចំរើន បានមានប្រសាសន៍បន្តទៀតថា តាមរយៈការអនុវត្តគម្រោងសាកល្បងនានា ជាពិសេសគម្រោងរដ្ឋបាលមូលដ្ឋាននិងការប្រែប្រួលអាកាសធាតុ (LGCC) បានជួយបង្កើតនូវគំរូឧបករណ៍សំខាន់ៗ និងយន្តការនៃការផ្ទេរដោយមានភ្ជាប់លក្ខខ័ណ្ឌ ដែលនេះជាបទពិសោធន៍ល្អសម្រាប់ការអនុវត្តដែលនៅពេលខាងមុខ មុខងារជាច្រើនរបស់ថ្នាក់ជាតិនឹងត្រូវផ្ទេរទៅឱ្យរដ្ឋបាលថ្នាក់ក្រោមជាតិ។

 

គួរបញ្ជាក់ថា នៅក្នុងការឆ្លើយតបចំពោះការប្រែប្រួលអាកាសធាតុ និងសាកល្បងបញ្ជ្រាបការបន្ស៊ាំនឹងការប្រែប្រួលអាកាសធាតុ កម្មវិធីអភិវឌ្ឍន៍សហប្រជាជាតិ (UNDP) នៅកម្ពុជា  តាមរយៈភាពជាដៃគូជាមួយរាជរដ្ឋាភិបាលកម្ពុជា និងដៃគូអភិវឌ្ឍន៍ បានអនុវត្តគម្រោងបន្ស៊ាំជាបន្តបន្ទាប់ដែលផ្ដោតលើការកសាងសមត្ថភាពរបស់សហគមន៍ដើម្បីបន្ស៊ាំ និងធ្វើការសាកល្បងបញ្ជ្រាបការបន្ស៊ាំទៅនឹងការប្រែប្រួលអាកាសធាតុទៅក្នុងដំណើរការកសាងផែនការនៅថ្នាក់ក្រុង ស្រុក ខណ្ឌ និងឃុំ សង្កាត់។ គំរូចំនួនបីនៃការសាកល្បងបញ្ជ្រាបការប្រែប្រួលអាកាសធាតុ ត្រូវបានសាកល្បងតាមរយៈ៖ (១). មន្ទីរជំនាញដែលគាំទ្រដោយគម្រោងបន្ស៊ាំនឹងការប្រែប្រួលអាកាសធាតុសម្រាប់លើកកម្ពស់ការគ្រប់គ្រងធនធានទឹកនិងការប្រកបរបរកសិកម្ម (ហៅកាត់ថា NAPA-FU (MAFF)) , (២). ក្រុមប្រឹក្សាស្រុក ខណ្ឌ និងឃុំ សង្កាត់ ដែលគាំទ្រដោយគម្រោងរដ្ឋបាលមូលដ្ឋាននិងការប្រែប្រួលអាកាសធាតុ ដំណាក់កាលទី២ រួមជាមួយគម្រោងបញ្ជ្រាបការប្រែប្រួលអាកាសធាតុទៅក្នុងផែនការអភិវឌ្ឍនៅថ្នាក់ក្រោមជាតិ (ហៅកាត់ថា LGCCII /SNC-Scale-Up (NCDDS) និង (៣). អង្គការសង្គមស៊ីវិលដែលមានការគាំទ្រពីកម្មវិធីបន្ស៊ាំការប្រែប្រួលអាកាសធាតុដោយផ្អែកលើសហគមន៍មូលដ្ឋាន(SGP/CCBAP (UNDP)។

 

សម្រាប់ឆ្នាំ២០១៤នេះ គម្រោងLGCCII ដែលគាំទ្រដោយអង្គការ UNCDF និងសម្របសម្រួលអនុវត្តដោយលេខាធិការដ្ឋាន គ.ជ.អ.ប និងរដ្ឋបាលថ្នាក់ក្រោមជាតិ បានបន្តគាំទ្រដល់ខេត្តគោលដៅចំនួនពីរគឺខេត្តតាកែវ និងខេត្តបាត់ដំបង លើស្រុកទាំងអស់ចំនួន០៨ រួមមាន ខេត្តតាកែវ៖ ក្រុងដូនកែវ ស្រុកបាទី ស្រុកបូរីជលសារ និងខេត្តបាត់ដំបង៖ ស្រុកបវេល ស្រុករុក្ខគិរី ស្រុកមោងឬស្សី ស្រុកថ្មគោល និងស្រុកសំពៅលូន៕

 

 

 

ប្រសាសន៍​​សម្តេចក្រឡាហោម ស ខេង

ស្វែងរក

​សម្លេង​

ប្រសាសន៍ ឯកឧត្តម ស ខេង ក្នុងកិច្ចប្រជុំលើកទី១០របស់ គ.ជ.អ.ប

ប្រសាសន៍ឯកឧត្តម សក់ សេដ្ឋា ក្នុងសិក្ខាសាលាបញ្ចប់គម្រោង PILAC2 (21-01-2015) 

ប្រសាសន៍ឯកឧត្តម សក់ សេដ្ឋា ក្នុង សិក្ខាសាលា ចែករំលែក បទពិសោធន៍ ការផ្ទេរមុខងារ ទៅកាន់ រដ្ឋបាល ថ្នាក់ក្រោមជាតិ

 

ឯកឧត្តម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធាន គ.ជ.អ.ប ថ្លែងបើកកិច្ចប្រជុំលើកទី៩ របស់ គ.ជ.អ.ប

ឯកឧត្តម ជាម ប៉េអា ប្រធាន អង្គភាព ត្រួតពិនិត្យ វាយតម្លៃ និងព័ត៌មាន នៃ លេខាធិការដ្ឋាន គ.ជ.អ.ប ថ្លែងក្នុង សិក្ខាសាលា ផ្សព្វផ្សាយ ឯកសារ ផែនការ យុទ្ធសាស្ត្រ គណនេយ្យ ភាពសង្គម (14-08-14)

ឯកឧត្តម ងី ច័ន្រ្ទផល រដ្ឋលេខាធិការ ក្រសួង មហាផ្ទៃ ថ្លែងក្នុង សិក្ខាសាលា ផ្សព្វផ្សាយ ឯកសារ យុទ្ធសាស្រ្ត គណនេយ្យ ភាពសង្គម (13-08-14)

ប្រសាសន៍ ឯកឧត្តម លេង វី ថ្លែងក្នុង វគ្គបណ្តុះ បណ្តាល គ្រូឧទ្ទេស រាជធានី ខេត្ត វគ្គ២ ស្តីពី ផែនការ អភិវឌ្ឍន៍ ប្រាំឆ្នាំ និងកម្មវិធី វិនិយោគ បីឆ្នាំ រំកិល រាជធានី ខេត្ត ថ្ងៃទី១៤ កក្កដា ២០១៤

មតិសំណេះសំណាលឯកឧត្ដម សក់ សេដ្ឋា ក្នុងសិក្ខាសាលា សេចក្តីព្រាង អនុក្រឹត្យ ការរៀបចំដីកា ការអនុវត្ត មុខងារជា ជម្រើស នៅថ្នាក់ ក្រោមជាតិ និងឯកសារ ផអ៣ ទី២

ប្រសាសន៍ ឯកឧត្តម លេង វី ថ្លែងក្នុងវគ្គបណ្តុះបណ្តាលគ្រូឧទ្ទេស រាជធានី ខេត្ត ស្តីពីផែនការអភិវឌ្ឍន៍ ប្រាំឆ្នាំ និងកម្មវិធីវិនិយោគបីឆ្នាំរំកិល រាជធានី ខេត្ត ថ្ងៃទី៧ កក្កដា ២០១៤

កម្មវិធីវិទ្យុៈ ចូលរួមដើម្បីការឆ្លើយតប៖ អង្គការសហគមន៍មូលដ្ឋាន

កម្មវិធីវិទ្យុៈ ចូលរួមដើម្បីការឆ្លើយតប៖ ការចួលរូមរបស់យុវជន

កម្មវិធីវិទ្យុៈ ចូលរួមដើម្បីការឆ្លើយតប៖ ម៉ោងជួបប្រជាពលរដ្ឋ

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី២វគ្គ២)

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី២វគ្គ១)

វេទិកាតុមូលស្តីពី ការិយាល័យច្រកចេញចូលតែមួយ និងការិយាល័យប្រជាពលរដ្ឋប្រចាំខេត្តកំពត(ថ្ងៃទី១)

សុន្ទរកថារបស់ឯកឧត្តម ស ខេង ក្នុងកម្មវិធីបិទសិក្ខាសាលាជាតិស្តីពីការ រៀបចំផែនការសកម្មភាព និងថវិកា២០១៤

សុន្ទរកថារបស់ឯកឧត្តម សក់ សេដ្ឋា ក្នុងកម្មវិធីបិទសិក្ខាសាលាជាតិស្តីពីការ រៀបចំផែនការសកម្មភាព និងថវិកា២០១៤

វេទិកាពិភាក្សា ជីវិតយើង សង្គមយើង

វេទិកាពិភាក្សា នៅក្រុងបាត់ដំបង និងពោធិសាត់

ការអភិវឌ្ឍតាមបែបប្រជាធិបតេយ្យ នៅកម្ពុជា

ការប្តឹងតវ៉ារបស់ប្រជាពលរដ្ឋ

កិច្ចពិគ្រោះយោបល់នៅថ្នាក់មូល ដ្ឋានរបស់ក្រុមប្រឹក្សាឃុំ សង្កាត់

ដំណើរការសម្រេចចិត្តរបស់ ក្រុមប្រឹក្សា  

 

ការពិគ្រោះយោបល់នៅថ្នាក់ មូលដ្ឋានរបស់ក្រុមប្រឹក្សាស្រុក ក្រុង 

ការផ្សព្វផ្សាយនិងទទួលព័ត៌មាន ពីក្រុមប្រឹក្សា

ប្រជាពលរដ្ឋសកម្ម

លើកកម្ពស់ការចូលរួមរបស់ប្រជាពលរដ្ឋដើម្បីឲ្យមានការឆ្លើយតប

ការចូលរួមរបស់ប្រជាពលរដ្ឋក្នុង កិច្ចប្រជុំប្រចាំខែរបស់ក្រុមប្រឹក្សា ស្រុក ក្រុង

ការចូលរួមនិងទទួលយោបល់របស់យុវវ័យ
និងកុមារក្នុងការសម្រេចចិត្តរបស់ក្រុមប្រឹក្សា

ការចាត់អាទិភាពបញ្ហាក្នុងកម្មវិធីវិនិយោគស្រុក ក្រុង     

ដើម្បីសហគមន៍ក្រុមប្រឹក្សា រដ្ឋបាលថ្នាក់ក្រោមជាតិ

សារប្រយោជន៍នៃការចុះបញ្ជីកំណើត

សារប្រយោជន៍នៃការចុះបញ្ជី
អាពាហ៍ពិពាហ៍

សារប្រយោជន៍នៃការចុះបញ្ជីមរណភាព

បណ្ណាល័យ គ.ជ.អ.ប (NCDD Library)